sirive~NkaDa Naahajjo ka{i}takki{a} siiha savvatanta satanto.
ve{a}ntaari{a} vajjo maha saNNijjhe{u} sa{i} sa{a}M hia{a}mmi..

Namaha ti{a}saaNa NaahaM sachchaM daasaNa achchu{a}M Thirajo{i}m.h.
galula Na{i} taDa tamaaLaM ahinda Na{a}ro sahaa{a} lekka ga{i}ndam.h..1

kiMkara sachcha thu{ii} tuha sa{a}Mbhu gehiNi vilaasa vaahitti ma{ii}.
phaNi{aa} baaLeNa ma{e} pa~njara su{a} jappi{a}M va kuNa{u} pasaa{a}m.h..2

ma{i}laM vi bhaasi{a}M maha kiMkara sachcha tuha kitti joNhaa pasare.
laggaM laha{u} visuddhiM rachchhaa salilaM va tivaha{aa} sotta ga{a}m.h..3

tatthari Na{e}Na Thavi{aa} soha{u} ti{a}saaNa Naaha tujjha samaa{e}.
vandittaNa mahi{aa}NaM majjhammi su{ii}Na baalisaa majjha thu{ii}..4

amha guruuNaM achchu{a} jiihaa siihaasaNammi laddha pa{i}TTho.
paDivaa{i}{a} paramaTTho vaaresi apaNDiattaNaM amhaaNam.h..5

hi{a}{e}su desi{aa}NaM jaNha{i} laharisu puNNachandovva phuDo.
kalusa jalesu va haMso kasaa{a} kaburesu Thaasi achchu{a}Na khaNam.h.. 6

aa{a}ma metta pamaaNo aagovi{a}Nam.h pa{aasa Ni{a} maahappo.
saddahi{a} hia{a}{a} sulaho duuraM mu{a}si Na{a}sachcha Dolaa{a}nte.. 7

sa{i} khavi{a} sa{a}La he{a}M saraNaaga{a} sachcha sachcha NaaNaaNandam.h
uLLa~Nghi{a} tivihantaM uvaNi sa{aa}NaM sa{aa}{i} gaa{a}nti tumam.h.. 8

kuNasi Na kiirasi keNa vi Thaavesi Na saMThavijjasi aNaNNa Thi{o}
harasi NihilaM Na hiirasi ahinda Na{a}rinda aNaha jo{i} phuranto.. 9

aNu pami{a}ssa vi achchu{a} sattii tuha sa{a}la dhaaraNaa{i} vahuttaa.
teNa paDivatthu puNNo suvvasi apaDiha{a} Ni{a}Thi{ii} savva ga{o}.. 10

sa{a}LaaNa dharaNa Ni{a}maNa saamittaNa Ni{a}ma saMThi{o} savva taNuu.
su{v}vasi achchu{a} savvo sa{i} daMsi{a} kajja kaaraNattaNa kaburo.. 11

purisa pahaaNa sariiro bhuvaNaaNam.h hosi achchu{a}{u}vaa{aa}Nam.h.
Ni{a} saMkappa saNappa saNaaho vahasi NimittattaNaM vi abbhu{a} sattii.. 12

visama guNa~Nkura pa{a}re jalam.h va saamaNNaa kaaraNaM tuha keLii.
Ni{a} kamma satti Ni{a}{a} achchu{a} bamhaa{i} Thaavaranta visesaa.. 13

purisaa tujjha vihuu{ii} achchu{a} lachchhii{a} {i}tthi{aa} saNNaa{o}
Nitthi paraM tujjhaaNaM saa vi sirii ho{i} tujjha kiM {u}Na {i}{a}ram.h.. 14

Nahu tuha sarisabbhahi{aa} Naaha tumaM evva savva lo{a} saraNNo.
{e}{aa}va NaaNa saaraM {i}{a} muNi{u}M ti{a}saNaaha {i}{a}ra vi{i}ntaa.. 15

bhaa{i} phaNinda {u}raahiva paDivaalentesu paa{a}Da vahutta phalaa.
avi duhiNap.h pamuhehiM {aa}Nattii tuha ala~NghaNijja pahaavaa.. 16

Ni{a}ma vihiiNa pa{u}ttii savvaaNa vi daasasachcha {u}ddisi{a} tumam.h.
saddha Nimanti{a} bamhaNa samaahi siddham.h Lahanti ti{a}saa bhuttim.h.. 17

aarajjha ti{a}sa vila{e} achchu{a} NichchaM Na Thaasi ja{i}Naama tumam.h.
kammaaNa kappi{aa}NaM kaahii kappantaresu ko Nivvesam.h.. 18

kappesi ka~Nkhi{aa}{i}M kappadumo vva siri ka~nchaNa la{aa} sahi{o}.
Na{a}sachcha sa{i} phalaa{i}M Ni{a} chhaahi NihiNNa Nichcha taava tihuvaNo.. 19

sa{a}Laa{a}maaNa NiThTaa sa{a}La suraaNaM vi antaro appaaNo.
sa{a}La phalaaNa pasuu{ii} sa{a}La jaNaaNaM samo khu Na{a}sachcha tumam.h.. 20

i{a} savvaaNa samaaNo sachcha Thi{o} daasa sachcha sa{i} paripuNNo.
kaha vahasi pakkha vaa{a}M paNDava pamuhesu pesaNaM vi sahanto.. 21

visamammi kamma magge vipari khalantaaNa vibbhali{a} karaNaaNam.h
Naaha NihiLaaNa aNNo Natthi tumaahi Na{a}sachcha hatthaaLambo.. 22

NaaNassa ko avisa{o} achchu{a} kaluNaa{a} tujjha ko duuraThi{o}.
sattii{a} ko {a}{i}bharo taa khu {u}vaa{o} tumaM chi{a} sa{a}M siddho.. 23

saMkappa kaNNa haaro ki~Nkara sachcha bhava saa{a}re a{i}gahire.
aNaho tumaM khu po{o} appaaNa kivaa samiiraNeNa pa{u}tto.. 24

achchu{a} Na denti mokkhaM {ii}sara bhaaveNa bhaavi{aa}{i}{a}ra suraa.
rattiM pariva{T}{Te}{u}M lakkhaM aaLekkha diNa araaNa viNa khamam.h.. 25

ama{a} rasa saa{a}rassa va ahinda ura Naaha Nimmala mahagghaa{i}m.h.
tiiranti Na vigaNe{u}M aNaNNa suLahaa{i} tujjha guNa ra{a}Naa{i}m.h.. 26

bhuusi{a} su{i} siimanto bhu{a} {i}nda uresa sa{v}va guNa siimanto.
khavi{a} tisaa maLa moho muNiiNa hi{a}{e}su phurasi saamaLa moho.. 27

suha lakkhaNa sirivachchho sohasi Nimmutta viraha khaNa sirivachchho.
raNa devaNa savihaga{o} uddhaNa galulaNa {i}tiira vaNa saviha ga{o}.. 28

akumaara jo{v}vaNa Thi{a}M ahinda uraNaaha ahima{a}M aNuruuvam.h.
NichchaM sahaava siddhaM suvva{i} suuri mahi{a}M suhaM tuha ruuvam.h.. 29

ti{u}NaM tassa vi{aa}raa achchu{a} purisotti aa{a}ma gaNijjantaa.
atthaa tuha khu samatthaa parami ruupammi bhuusaNattha saruuvaa.. 30

Ninti tumaa{o} achchu{a} Nikkhavi{a} vivakkha NiTThura parakkamaNaa.
saMThavi{a} parama dhammaa saahu parittaaNa sapphalaa {o}{aa}raa.. 31

hari maNi sarichchha Ni{a} ru{i} hari{aa} {a}nta bhu{a}{i}nda vura peranto.
kaale daasa jaNaaNaM kaNha ghaNo hosi diNNa kaaluNNa raso.. 32

galula Na{i} kachchharaNNe lakkhijjasi lachchhi mahi kaNeru maNaharo.
diisanta bahuLa daaNo disaa ga{i}ndo vva khuDi{a} daNu{i}nda dumo.. 33

muha chanda moLi diNa{a}ra majjha Thi{o} tujjha chi{u}ra bhaarandhaaro.
aghaDi{a} ghaDaNaa sattiM sachchaM Thaave{i} daasa sachcha samaggam.h.. 34

parihasi{a} puNNa chandaM pa{u}ma sarichchha ppasaNNa lo{a}Na ju{a}Lam.h.
sa~Nkappi{a} duri{aa}{i} vi samhari{a}M hara{i} daasa sachcha tuha muham.h.. 35

maahappaM tuha mahi{a}M ma~NgaLi{a}M tuLasi kotthuha ppamuhaaNam.h.
achchu{a} Thira vaNamaalaM vachchhaM daMse{i} lachchhi lakkhaNa suha{a}m.h..36

Nivvisa{i} Nichcha taavo deva{a}No devaNaa{a}{a} vihi ppamuho.
sii{a}La santa vahuttaM chhaahiM tuha vi{u}La baahu kappa dumaaNam.h.. 37

sa~Nkappa chanda khohi{a} ti{u}No {a}hi vi{u}La bubbu{a} ppa{a}rehim.h.
bamhaNDehi vi bhari{a}M ki~Nkara sachcha tuha kiisa Nu kisaM {u}{a}ram.h.. 38

Naahi ruhaM tuha NaLiNaM bhu{a}{ii}sara Na{a}ra Naaha soha{i} suha{a}m.h.
majjha Thi{a} bamha bhamaraM vachchhaasaNa lachchhi paa{a} viiDha sarichchham.h.. 39

diDha piiDi{a} mahu ka{i}Dhava soNi{a} paDala paripaaDalambara ghaDi{aa}
raa{a}{i} achchu{a} muhalaa ra{i}Naaha ga{i}nda si~NkhaLaa tuha rasaNaa.. 40

daasaaNa sachcha diisa{i} daaNava viiraaNa diiha Niddaa sa{a}Nam.h.
tuha {u}{a}raThThi{a} tihuvaNa paasaa{a}kkhambha sachchha{a}M {uu}ru ju{a}m.h..41

jaaNu maNi dappaNeNa a ja~Nghaa maraga{a} kaLaa{i}{aa}{e} a dhaNi{aa}.
achchu{a} Na mu{a}{i} kantii lachchhii va saro{a} la~nchhaNe tuha chaLaNe.. 42

su{i} siimanta pasuuNaM soha{i} Na{a} sachcha tujjha savva saraNNam.h.
kamaNa khaNa jaNi{a} sura Na{i} pasami{a} tellokka paa{a}{a}M pa{a} pa{u}mam.h..43

{i}{a} tihu vaNekka muuLaM aasaadenti aNahaa ama{a} saa{u}rasam.h.
osahi mahi hara paase {u}{i}{a}M tuM osahiM va daasa ru{aa}Nam.h.. 44

siddha~njaNam.h va saamam.h tujjha taNuM Ni{a} vilo{a}Nesu khivantaa.
achchu{a} lachchhi NivaasaM Nichcha Ni{uu}DhaM NihiM va pechchhanti tumam.h..45

vihaDi{a} NibiDandhaaro ghaDanta jo{ii} tilo{a} {e}kka gaha va{ii}.
diThThi ga{o} jaaNa tumaM Namanta sachcha Na hu taaNa moha ti{aa}maa.. 46

visa{a} rasammi virattaa vi{aa}ra jaNaNehi vi Na hu vikiirantaa.
jiivanta mukka sarisaa achchu{a} diisanti paavaNaa tuha bhattaa.. 47

gandhavva Na{a}ra simiNa{a} saarichchhaaNaM siriiNa vaNa sari{aa}Nam.h.
Na sumara{i} tumha gahi{o} saraNaa ga{a} sachcha sa{i}mayo jii{a} ga{o}.. 48

Na mahenti NaaNa vantaa tara~Nga DiNDiira bubbu{a} sarichchhaa{i}m.h.
vihi pamuhaaNa pa{aa}{i}M ghaNa kandaLi kanda ka{a}Li khambha samaa{i}m.h..

puLa {i}{a} sa para sahaavaa purisaa ghettuuNa saamiNo tuha siiLam.h.
Naaha Na{a} sachcha saghiNaa Na mu{a}nti kahaM vi savva jaNa sohaddam.h.. 50

maaNa ma{e}saa machchha{}ra Dambhaasuu{aa} bha{aa}marisa loha muhaa.
diisanti Na moha su{aa} dosaa daasaaNa sachcha tuha bhattaaNam.h.. 51

jaaNa ma{ii} {i}{a}ra muhii kaaLo sa{a}Lo vi taaNa kali vitthaaro.
je tuha pa{a}mmi pavaNaa Natthi kalii Naa{a}va{i} Na{a}ra va{e}taaNam.h.. 52

achchaa saNNa viNaasaa achchu{a} pechchhanti taava{e} bhatta{a}Ne.
mokkha ru{ii}Na sumagge muuDhaa di{a}ha {a}ra maNDalammi va chhiddam.h.. 53

Ni tuDi{a} dummaaNa ghaNaa Nimmala guNa ghaDi{a} taara{aa} pabbhaaraa.
bhaasanta bhatti joNhaa Na{a} sachcha phuranti Naha Nihaa tuha bhattaa.. 54

Na hu jama visa{a}mmi ga{ii} Na{a} sachcha pa{a}mbu{a}M tuha pavaNNaaNam.h
khali{aa}Na vi jaha joggaM sikkhaa suddhanta ki~NkaraaNa va lahu{ii}.. 55

kamma ga{i} dosa duhi{aa} ka{a}nta bhi{u}Dii bhu{a}~Ngi daMsaNa tatthaa.
achchanti tujjha chaLaNe achchu{a} pabbhaThTha vammaha rasaa saa{aa}.. 56

aalagga{i} tuha chaLaNe achchu{a} vihiNaa vi achchaNaa aa{a}ri{aa}.
jaa{e}kkanti pa{u}ttaa sesaM va sa{a}M sireNa paDi geNhasi tam.h.. 57

tuha muha joNhaa daavi{a} maaNasa sasi anta pavaha saMNiha baahe.
achchu{a} Na mu{a}si bhatte kaLamba goLa Niha kaNTa anta Ni{a}~Nge.. 58

savvesu vi Nivveraa saraNaaga{a} sachcha gahi{a} saasa{a} dhammaa.
ga{a} sa~Ngaa tuha bhattaa janti tumaM {e}vva duLLahaM {i}{a} rehim.h.. 59

ahiva{i} Na{a}rinda tumaM {aa}saNNaM vi ga{a}NaM va sa{i} duggejjham.h.
visa {e}su vilaggantaa tuurantaa vi Na lahanti DoLanta maNaa.. 60

bhattaa taava{a} sevaa rasa bhari{aa} sa{a}la rakkhaNosu{a} ru{i}Naa.
karaNaa{i} dharanti chiraM ka~Nkhi{a} mokhkhaa vi achchu{a} tu{e} Thavi{aa}.. 61

ThiraguNa giri jaNi {e}hiM saMtaaresi Na{a} sachcha Ni{a} bhattehim.h.
jamma parivaaDi jalahiM ja~Ngama Thira se{u} daMsaNijjehi jaNe.. 62

pasami{a} bhavantara bha{aa} pattaM pattaM hi{a}m.h ti pari pechchhantaa.
bhaaventi tujjha bhattaa pi{aa}{i}hiM va Na{a}sachcha pachchima di{a}ham.h.. 63

pa{a}Da timirammi huvaNe patta paDiThThaavi{a} parama NaaNa pa{ii}vaa.
Nijjanti achchu{a} tu{e} Ni{a}M pa{a}M sa{i} sa{a}M pahaM ka{a} kajjaa.. 64

diDha tivva bhatti Na{a}Naa pari pechchhantaa ahinda {u}ra Naaha tumam.h.
pattaa tuha saa{u}jjaM pantiM puurenti paNNa inda muhaaNam.h.. 65

saMNa{a} suLahaM achchu{a} samaahi sovaaNa kama viLamba vimuhi{aa}.
saraNaM gantuuNa tumaM muttaa mu{u}{u}nda khatta bandhu ppamuhaa.. 66

devaaNa pasu samaaNo jantuu gantuuNa devaNaaha tuha pa{a}m.h.
tehiM chi{a} sa{v}veehiM saMsara maaNehi ho{i} sa{i} diNNa balii.. 67

mohandhaara mahaNNava muchchhi{a} maa{aa} mahaa ra{a}Ni pachchuuho.
achchu{a} tujjha kaDakkho vimutti patthaaNa puDama pari{a}ra bandho.. 68

mokkha suha rukkha muuLaM moha jaraa{u}ra mahaa rasaa{a}Na pavaram.h.
sa{a}la kusa lekka khettaM ki~Nkara sachcha tuha kittaNaM ami{a} Niham.h.. 69

Natthi ahikkama Naaso vichchhe{a}mmi viNa pachcha vaa{a} pasa~Ngo.
sappaa vi tuha sapajjaa rakkha{i} achchu{a} mahattaraadu bha{aa}do.. 70

apasaa{e} apa saNNaa tujjha pasaa{a}mmi daasa sachcha pasaNNaa.
aarajjhaa honti pare kiM tehi pasa~Nga lambhi{a} pahaa vehim.h.. 71

i{a}ra ti{a}saa pasaNNaa ki~Nkara sachcha maha kiM Nu kaahinti hi{a}m.h.
Niihaara ghaNa sa {e}hiM Na hu puurijja{i} kahaM vi chaa{a}{a} tiNhaa.. 72

aNuga{a} suha mi{a} tiNhaa achchu{a} viisama{i} tujjha maama{a} tiNhaa.
pavahesu pasari{aa} e aasi{a} pavahanta ghaNa kivaa sari{aa}{e}.. 73

vi{a}la sa{a} la~Nga visame dhamme Na{a} sachcha dha{a} Nihe dhaarento.
kantaara pantha{o} vi{a} khaLanta chalaNomhi kaa{a}ra visiiranto.. 74

Thira dhamma vamma tha{i}{a}M adhamma pavaNaaNa agga khandha pavaTTam.h.
aghaDanta vipaDi saaraM achchu{a} maM hasasi NuuNa lachchhi samakkham.h.. 75

tari{u}M achchu{a} duri{a}M {i}mammi dehammi {e}kka di{a}he vi ka{a}m.h.
kaaLo aLaM Na sa{a}Lo kaluNaa{e} tujjha puNNa pattaM mhi {i}mo.. 76

achchu{a} tujjha guNaaNaM maha dosaaNam.h vi Natthi kuttha vi gaNaNaa.
taha vi ja{o} puDhamaaNaM ahi{a}M liiNaaNa ho{i} Nahu dobbaLLam.h.. 77

rattiM di{a}haM achchu{a} tuDi{a} paDantaa{i} {aa}{u} duma khaNDaa{i}m.h.
daThThuuNa vi dari{a}maNaM baalaM {e}NhiM vi bharasumaM apamatto.. 78

Niisaasa sa~NkaNijje dehe paDaLanta saLila bindu sarichchhe.
muNasi Na{a} sachcha tumam.h jaranta karaNe vi diiha jovvaNa tiNham.h.. 79

amuNi{a} Ni{a} kaa{a}vvaM tuLagga muNi{e}su maM vi paDi{uu}La ga{i}m.h.
{i}{a} Ni{a} sahaava viLi{a}M haa{u}M daasaaNa sachcha Nahu tuhajuttam.h.. 80

kohaM kiM karaNijjaM pariharaNijjaM vi kiMati jaaNasi savvam.h.
tiirasi a taM hi{a}M maha ti{a} sesara kuNasu Ni{a] hi{a}{a} Nikkhittam.h.. 81

{e}NhiM {u}variM vi{i}mo guNaa gahi{o} daaru putta{o} va paravaso.
tassa vi maha ti{a} sesara tiisu vi karaNesu hosu suha sa~Nkappo.. 82

Ni{a} kamma Ni{a}La ju{a}LaM achchu{a} kaa{uu}Na maha pi{a}ppi{a} vagge.
kaaho ghora kaLevara kaaraaghara kuhara Nigga{a}M kaahisi mam.h.. 83

hadde tumammi ka{i}{aa} vissami{a}M bamha dhamaNi magga Nihintam.h.
diNa{a}ra diNNagga karaM achchu{a} dachchhihisi da{i}{a} DimbhaM vi{a}mam.h.. 84

kaahe amaaNavantaa aggi muhaa aa{i}vaahi{aa} tuha purisaa.
{a}{i}La~Nghe hinti mimam.h achchu{a} tama gahaNa ti{u}Na maru kantaaram.h.. 85

la~Nghi{a} vira{aa} sari{a}M lambhi{a} sa{i} suddha sattama{a} somma taNum.h.
ka{a} bamhaala~NkaaraM kaahisi Na{a} sachcha ki~NkaraM kaahe mam.h.. 86

saMsaara saa{a} raa{o} {u}kkhittaM ti{a}sa Naaha phuri{aa}Lo{a}m.h.
kaahe kaahisi hi{a} e kotthuha maNi dappaNam.h va lachchhi puLa {i}{a}m.h.. 87

kaahe tuha pa{a} pa{u}me hohimi Na{a} sachcha keLi kanta tihu vaNe.
ma{a}Na ri{u} ma{u}Da maNDaNa sura sari{aa} sotta suu{i}{a} mahu ppavahe.. 88

uvaNi sa{aa} sira kusumaM uttaMse {uu}Na tuha pa{a}mbu{a} ju{a}Lam.h
da{i}{o} hohimi ka{i}{aa} daaso daasaaNa sachcha suuri sarichchho.. 89

a{u}No Ni{u}tti joggaM {o}{aa}ra vihaara saha arattaNa dhaNi{a}m.h.
appa sama bho{a} mettaM aNuhohisi devaNaaha kaahe Nu mimam.h.. 90

{i}{a} phuDa maNorahaM maM{e}{aa}risa va{a}Na metta saaraM vasa{a}m.h.
kuNasu ni{a} guNa gaNehim.h sachchaM daasaaNa sachcha sa{i} sachchhando.. 91

baaLa pava govva taraLo maaru{i} jaa{i}tti saa{a}raM tari{u} maNo.
patthemi tumaM achchu{a} ka~Nkhi{a}pa{a} pa{u}ma khamasu maha kaave{a}M.. 92

achchu{a} vi sa{a}kkantaM bhavaNNavaa vatta bhami NithuThThijjantam.h.
jaNaNii thaNandha{a}M vi{a} maM uddhiri{uu}Na sevasu sa{a}M pachchham.h.. 93

kamma ma{a}ghamma tavi{a}M suha mi{a} tiNhaahi kaahi vi atiNNaaham.h.
kaaresu Nivvu{a}M maM kara{aa} sisirehi achchu{a} kaDakkhehim.h.. 94

tuha chintaNa vimuhaaNaM diTThi visaaNaM vadaMsaNaa{u} mo{e}nto.
ami{a} muhaaNaM vi{a} maM achchu{a} bhattaaNa Nesu Na{a}Naasaaram.h.. 95

visa miLi{a} mahu Nihesu a tiNa paDimesu a paDiggahesu paLuThi{a}m.h.
ami{a} Nihimmi va achchu{a} Thaavesu tumammi NimmaM maha hi{a}{a}m.h.. 96

NichchaM imammi kivaNe Nikkhivasu Namanta sachcha Nihi saarichchhe.
pava hanta Naha pahaajhara pasami{a} paNamanta sa~njare tuha chaLaNe.. 97

saraNaaga {o}tti jaNi{e} jaNavaa{e} vi ja{i} achchu{a} Na rakkhasi mam.h.
hojja khu saa{a}ra ghoso saa{a}ra puLiNammi taarisaM tuha va{a}Nam.h.. 98

Nikkhitto mhi a aga{ii} NivuNe hi tumammi Naaha kaaruNi{e}him.h.
te tuha daThThuuNa pi{e} bhari{a}M Na{a}sachcha bharasu appaaNa bharam.h.. 99

Na{a} sachcha pakkaNaaNi{a} gaLi{a} chilaa{a} bhama Ni{a} kumaaraM va Nivo.
hojjanta jovvaNa vahuM varovva maM lahasu manti aNa viNNa vi{a}m.h.. 100

{i}{a} ka{i} takki{a} kesari ve{a}ntaa{a}ri{a} ve~NkaDesa vira{i}{a}m.h.
suha{a}M achchu{a} sa{a}{a}M sahi{a}{a} hi{a}{e}su soha{u} samagga guNam.h.. 101