shriimaan.h veN^kaTa naathaaryaH kavitaarkika kesarii |
vedaantaa chaarya varyome sannidhattaaM sadaahR^idi ||

gajendra raxaa tvaritam.h bhavantaM
graahair.h ivaahaM viShayair.h vikR^iShTaH.
apaara vij~naana dayaanubhaavam.h
aaptaM sataaM aShTa bhujaM prapadye..   1

tvadeka sheSho.ahaM anaatma tantraH
tvat.h paada lipsaaM dishataa tvayaiva.
asat.h samo.apyaShTabhujaa khilesha
sattaam.h idaaniim.h upalambhito.asmi..   2

svaruupa ruupaastra vibhuuShaNaadyaiH
paratva chintaaM tvayi durnivaaraam.h.
bhoge mR^iduupakramataam.h abhiipsan.h
shiilaadibhir.h vaarayasiiva puMsaam.h..  3

shaktiM sharaNyaantara shabda bhaajaaM
saaraM cha samtolya phalaantaraaNaam.h.
tvaddaasya hetos.h tvayi nirvisha~NkaM
nyastaatmanaaM naatha vibharShi bhaaram.h..  4

abhiiti hetor.h anuvartaniiyaM
naatha tvadanyaM na vibhaavayaami.
bhayaM kutaH syaat.h tvayi saanukampe
raxaa kutaH syaat.h tvayi jaata roShe..   5

tvadeka tantraM kamalaa sahaaya
svenaiva maaM raxitum.h arhasi tvam.h.
tvayi pravR^itte mama kiM prayaasaiH
tvayi apravR^itte mama kiM prayaasaiH..   6

samaadhi bha~NgeShvapi saMpatatsu
sharaNya bhuute tvayi badhdakaxye.
apatrape soDhum.h aki~nchano.ahaM
duuraadhirohaM patanaM cha naatha..   7

praaptaabhilaaShaM tvadanugrahaan.h maaM
padmaa niShevye tava paada padme.
aa deha paataat.h aparaadha duuram.h
aatmaanta kai~Nkarya rasaM vidheyaaH   8

prapanna jana paatheyaM prapitsuunaaM rasaayanam.h
shreyase jagataametat.h shriimad.h aShTabhujaaShTakam.h  9

sharaNaagata santraaNa tvaraa dviguNa baahunaa.
hariNaa ve~NkaTeshiiyaa stutiH sviikriyataam.h iyam.h 10

kavitaarkika siMhaaya kalyaaNa guNashaaline .
shriimate veN^kaTeshaaya vedaantagurave namaH