prapadhye taM giriM praayaH shrInivaasaanukampayaa.
ixu saara sravantyeva yanmuurtyaa sharkaraayitam.h..1

vigaahe tIrtha bahulaaM shItalaaM guru santatim.h.
shrInivaasa dayaambhodhi parIvaaha paramparaam.h..2

kR^itinaH kamalaavaasa kaaruNyai kaantino bhaje.
dhatte yatsUkti rUpeNa trivedI sarvayogyataam.h..3

paraashara mukhaan.h vande bhagIratha naye sthitaan.h.
kamalaa kaanta kaaruNya ga~Ngaaplaavita madvidhaan.h..4

asheSha vighna shamanam.h anIkeshvaram.h aashraye.
shrImataH karuNaambhodhau shixaa srota ivotthitam.h..5

samasta jananIM vande chaitanya stanya daayinIm.h.
shreyasIM shrInivaasasya karuNaamiva rUpiNIm.h..6

vande vR^iShagirIshasya mahiShIM vishva dhaariNIm.h.
tatkrupaa pratighaataanaaM xamayaa vaaraNaM yayaa..7

nishaamayatu maaM nIlaa yadbhoga paTalaiH dhruvam.h.
bhaavitaM shrInivaasasya bhakta doSheShvadarshanam.h..8

kamapyanavadhIM vande karuNaa varuNaalayam.h.
vR^iShashaila taTasthaanaaM svayaM vyaktiM upaagatam.h..9

aki~njana nidhiM sUtim.h apavarga trivargayoH.
a~njanaadrIshvara dayaam.h abhiShTaumi nira~njanaam.h..10

anuchara shaktyaadi guNaam.h
agresara bodha virachitaalokaam.h.
svaadhIna vR^iShagirIshaaM
svayaM prabhUtaaM pramaaNayaami dayaam.h..11

api nikhila loka sucharita
muShTin.h dhaya durita mUrchchhanaa juShTam.h.
sa~njIvayati daye maam.h
a~njana girinaatha ra~njanI bhavatI..12

bhagavati daye bhavatyaa
vR^iShagiri naathe samaaplute tu~Nge.
apratigha majjanaanaaM
hastaalambo madaagasaaM mR^igyaH..13

kR^ipaNa jana kalpa latikaaM
kR^itaaparaadhasya niShkriyaam.h aadhyaam.h.
vR^iShagiri naatha daye tvaaM
vidanti saMsaara taariNIM vibudhaaH..14

vR^iShagiri gR^ihamedhi guNaaH
bodha balaishvarya vIrya shakti mukhaaH.
doShaa bhaveyurete
yadi naama daye tvayaa vinaabhUtaaH..15

aasR^iShTi santataanaam.h
aparaadhaanaaM nirodhinIM jagataH.
padmaa sahaaya karuNe
pratisa~njara kelimaacharasi..16

achida vishiShTaan.h pralaye
jantU navalokya jaata nirvedaa.
karaNa kalebara yogaM
vitarasi vR^iShashaila naatha karuNe tvam.h..17

anuguNa dashaarpitena
shrIdhara karuNe samaahita snehaa.
shamayasi tamaH prajaanaaM
shaastramayena sthira pradIpena..18

rUDhaa vR^iShaachala pateH
paade mukha kaanti patralachchhaayaa.
karuNe sukhayasi vinataan.h
kaTaaxa viTapaiH karaapacheya phalaiH..19

nayane vR^iShaachalendoH
taaraa maitrIM dadhaanayaa karuNe.
dhR^iShTas tvayaiva janimaan.h
apavargam.h akR^iShTa pachyaM anubhavati..20

samayopanataistava pravaahaiH
anukampe kR^ita saMplavaa dharitrI.
sharaNaagata sasya maalinIyaM
vR^iShashailesha kR^iShIvalaM dhinoti..21

kalashodadhi saMpado bhavatyaaH
karuNe sanmati mantha saMskR^itaayaaH.
amR^itaaM shamavaimi divya deham.h
mR^ita sa~njIvanam.h a~njanaachalendoH..22

jaladheriva shItataa daye tvaM
vR^iShashailaadhipateH svabhaava bhUtaa.
pralayaarabhaTI naTIM tadIxaaM
prasabhaM graahayasi prasatti laasyam.h..23

praNata pratikuula mUla ghaatI
pratighaH ko.api vR^iShaachaleshvarasya.
kalame yavasaapachaaya nItyaa
karuNe kiMkarataaM tavopayaati..24

abahiShkR^ita nigrahaan.h vidantaH
kamalaakaanta guNaan.h svatantrataadIn.h.
avikalpaM anugrahaM duhaanaaM
bhavatImeva daye bhajanti santaH..25

kamalaa nilayas tvayaa dayaaluH
karuNe niShkaruNaa nirUpaNe tvam.h.
ata eva hi taavakaashritaanaaM
duritaanaaM bhavati tvadeva bhItiH..26

atala~Nghita shaasaneShvabhIxNaM
vR^iShashailaadhipatir.h vijR^imbhitoShmaa.
punareva daye xamaa nidaanaiH
bhavatIM aadrayate bhavatya dhInaiH..27

karuNe duriteShu maamakeShu
pratikaaraantara durjayeShu khinnaH.
kavachaayitayaa tvayaiva shaar~Ngii
vijayasthaanaM upaashrito vR^iShaadrim.h..28

mayi tiShThati duShkR^itaaM pradhaane
mitadoShaan.h itaraan.h vichinvatI tvam.h.
aparaadhagaNaiH apUrNakuxiH
kamalaa kaanta daye kathaM bhavitrI..29

ahamasmi aparaadha chakravarthI
karuNe tvam.h cha guNeShu saarvabhaumi.

viduShI sthitim.h IdhR^ishIM svayaM maaM
vR^iSha shaileshvara paada saatkurutvam.h.. 30

ashithila karaNe.asmin.h axata shvaasa vR^ittau
vapuShi gamana yogye vaasam.h aasaadayeyam.h.
vR^iSha giri kaTakeShu vya~njayatsu pratItaiH
madhu mathana daye tvaaM vaari dhaaraa visheShaiH.. 31

avidita nija yogaxemam.h aatmaana bhig~naM
guNa lava rahitaM maaM goptukaamaa daye tvam.h
paravati chaturaiste vibhramaiH shrInivaase
bahumatiM anapaayaaM vindasi shrIdharaNyoH.. 32

phala vitaraNa daxaM paxapaataana bhij~naM
praguNa manuvidheyaM praapya padmaa sahaayam.h.
mahati guNa samaaje maanapUrvaM daye tvaM
prativadasi yathaarhaM paapmanaaM maama kaanaam.h.. 33

anubhavitum.h aghaughaM naalamaagami kaalaH
prashamayituM asheShaM niShkriyaabhiH na shakyam.h.
svayamiti hi daye tvaM svIkR^ita shrInivaasaa
shithilata bhava bhItiH shreyase jaayase naH..34

avataraNa visheShaiH aatma lIlaapadeshaiH
avamatiM anukampe manda chitteShu vindan.h.
vR^iShabha shikhari naathaH tvannideshena nUnaM
bhajati sharaNa bhaajaaM bhaavino janma bhedaan.h..35

parahitam.h anukampe bhaavayantyaaM bhavatyaaM
sthiramanupadhi haardaM shrInivaaso dadhaanaH.
lalita ruchiShu laxmI bhUmi nIlaasu nUnaM
prathayati bahumaanaM tvatpratichchhanda budhyaa..36

vR^iShagiri savidheShu vyaajato vaasa bhaajaaM
durita kaluShitaanaaM dUyamaanaa daye tvaM.
karaNa vilaya kaale kaandishIka smR^itInaaM
smarayasi bahulIlaM maadhavaM saavadhaanaa..37

dishi dishi gati vidbhir.h deshikair.h nIyamaanaa
sthirataram.h anukampe styaana lagnaa guNaistvam.h.
parigata vR^iShashailaM paaram.h aaropayantI
bhava jaladhi gataanaaM pota paatrI bhavitrI..38

parimita phala sa~Ngaat.h praaNinaH kiMpachaanaa
nigama vipaNi madhye nitya muktaanuShaktam.h.
prasadanaM anukampe praaptavatyaa bhavatyaa
vR^iShagiri harinIlaM vya~njitaM nirvishanti.. 39

tvayi bahumati hInaH shrInivaasaanukampe
jagati gatimihaanyaaM devi sammanyate yaH.
sa khalu vibudha sindhau sannikarShe vahantyaaM
shamayati mR^igatR^iShNaa vIchikaabhiH pipaasaam.h..40

aaj~naaM khyaatiM dhanamanucharaan.h aadhi raajyaadikaM vaa
kaale dhR^iShTvaa kamala vasater apyaki~nchit.h karaaNi.
padmaa kaantaM praNihita vatIM paalane.ananya saadhye
saaraabhij~naa jagati kR^itinaH saMshrayante daye tvaam.h..41

prajaapatya prabhR^iti vibhavaM prexya paryaaya duHkhaM
janmaa kaa~Nxan.h vR^iShagiri vane jagmuShaaM tasthuShaaM vaa.
aashaasaanaaH katichana vibhostvat.h pariShva~Nga dhanyaiH
a~NgIkaaraM xaNamapi daye haarda tu~Ngai rapaa~Ngai..42

naabhi padma sphuraNa subhagaa navya nIlotpalaabhaa
krIDaa shailaM kamapi karuNe vR^iNvatI ve~NkaTaakyam.h.
shItaa nityaM prasadanavatii shraddadhaanaa vagaahyaa
divyaa kaachijjayati mahatI dIrghikaa taavakInaa.. 43

yasmin.h dR^iShTe taditara sukhair.h gamyate goShpadatvaM
satyaM j~naanaM tribhiravadhibhir.h muktamaananda sindhum.h.
tvat.h svIkaaraat.h tamiha kR^itinaH sUri bR^indaanu bhaavyam.h
nityaa pUrvaM nidhimiva daye nirvishant.h ya~njanaadrau.. 44

saaraM labdhvaa kamapi mahataH shrInivaasaamburaasheH
kaale kaale ghana rasavati kaalike vaanukampe.
vyakton.h meShaa mR^igapati girau vishvam.h aapyaayayantI
shIlopaj~naM xarati bhavati shItalaM sadguNaugham.h..45

bhIme nityaM bhava jalanidhau majjataaM maanavaanaam.h
aalambaarthaM vR^iShagiripatis.h tvannideshaat.h prayu~Nkte.
praj~naa saaraM prakR^iti mahataa mUla bhaagena jUShTaM
shaakhaa bhedaiH subhagamanaghaM shaashvataM shaastrapaaNim.h..46

vidvat.h sevaa kataka nikaShair.h vIta pa~NkaashayaanaaM
padmaa kaantaH praNayati daye darppaNaM te sva shaastram.h.
lIlaa daxaaM tvadana vasare laalayan.h vipra lipsaaM
maayaa shaastraaNyapi damayituM tvat.h prapanna pratIpaan.h..47

daivaat.h praapte vR^iShagiri taTaM dehini tvan.h nidaanaat.h
svaamin.h paahItyavasha vachane vindati svaapamantyam.h.
devaH shrImaan.h dishati karuNe dR^iShTi michchaMs tvadIyaam.h
udghaatena shruti pariShadaam uttareNaabhi mukyam.h..48

shreyaH sUtiM sakR^idapi daye saMmataaM yaH sakhIM te
shItodaaraam.h alabhata janaH shrInivaasasya dR^iShTim.h.
devaadInaa maya manR^iNataaM dehavatve.api vindan.h
bandhaan.h mukto balibhir.h anaghaiH pUryate tatprayuktaiH..49

divyaa paa~NgaM dishasi karuNe yeShu saddeshikaatmaa
xipraM praaptaa vR^iShagiri patiM xatrabandh.h vaadayaste.
vishvaachaaryaa vidhi shiva mukhaaH svaadhikaaroparudhdaaH
manye maataa jaDa iva sute vatsalaa maadR^ishe tvam.h..50

ati kR^ipaNo.api jantur.h adhigamya daye bhavatIm.h
ashithila dharmasetu padavIM ruchiraamachiraat.h.
amita mahormi jaala matila~Ngya bhavaambu nidhiM
bhavati vR^iShaachalesha pada pattana nitya dhanI..51

abimukha bhaava saMpad.h abi saMbhavinaaM bhavinaaM
kvachidu palaxitaa kvachida bha~Ngura gUDha gatiH.
vimala rasaavahaa vR^iShagirIsha daye bhavatI
sapadi sarasvatIva shamayatyaghaM apratigham.h..52

api karuNe janasya taruNendu vibhUShaNataam.h
api kamalaasana tvamapi dhaama vR^iShaadri pateH.
taratamataa vashena tanute nanu te vitatiH
parahita varShmaNaa pari pachelima kelimatI..53

dhR^ita bhuvanaa daye trividha gatyanukUlataraa
vR^iShagiri naatha paada parirambhavatI bhavatI.
avidita vaibhavaapi sura sindhuri vaatanute
sakR^id.h avagaahamaanam.h apa taapam.h apaapam.h api..54

nigama samaashritaa nikhila loka samR^idhdi karI
bhajadagha kUla mudR^ija gatiH paritapta hitaa.
prakaTita hamsa matsya kaThaadhyavataara shataa
vibudha sarichchhriyaM vR^iShagirIsha daye vahasi..55

jagati mitaMpachaa tvaditaraa tu daye! taralaa
phala niyamojjitaa bhavati santapanaaya punaH.
tvamiha nira~Ngusha prashakanaadi vibhutimatI
vitarasi dehinaaM niravadhiM vR^iShashaila nidhim.h..56

sakaruNa laukika prabhu parigraha nigrahayoH
niyatim.h upaadhi chakra parivR^itti paramparayaa.
vR^iShabha mahidharesha karuNe! vitara~NgayataaM
shR^iti mita sampadi tvayi kathaM bhavitaa vishayaH..57

vR^iShagiri kR^iShNa megha janitaaM janitaapa haraaM
tvadabhimatiM suvR^iShTim.h upajIvya nivR^itta tR^iShaH.
bhahuShu jalaashayeShu bahumaanam.h apohya daye
na jahati satpathaM jagati chaatakavat.h kR^itinaH..58

tvadu daya tuulikaabhir.h amunaa vR^iShashaila juShaa
sthira chara shilpinaiva parikalpita chitra dhiyaH.
yatipati yaamuna prabhR^itayaH prathayanti daye
jagati hitaM na nastvayi bharanyasanaad.h adhikam.h..59

mR^idu hR^idaye daye mR^idita kaama hite mahite
dhR^ita vibudhe budheShu vitataatma dhure madhure.
vR^iShagiri saarvabhauma dayite mayi te mahatIM
bhavuka nidhe nidhehi bhavamUla haraaM laharIm.h..60

akuupaarair.h ekodaka samaya vaitaNDika javaiH
anirvaapyaaM xipraM xapayitum avidhyaakhya baDabaam.h.
kR^ipe tvaM tattaadR^ik.h prathima vR^iSha pR^ithvI dhara pati
svaruupa dvaiguNya dviguNa nija binduH prabhavasi..61

vivitsaa vetaalI vigama parishudhde.api hR^idaye
paTu pratyaahaara prabhR^iti puTapaaka prachakitaaH.
namants.h tvaaM naaraayaNa shikhari kuuTastha karuNe
nirudhda tvaddrohaa nR^ipati suta nItiM na jahati..62

ananyaadhInaH san.h bhavati paratantraH praNamataaM
kR^ipe sarvadraShTaa gaNayati na teShaam.h apakR^itim.h.
patis.h tvat.h paaraarthyaM prathayati vR^iSha xmaadhara patiH
vyavasthaaM vaiyaatyaa diti vighaTayantI viharasi..63

apaaM patyuH shatruun.h asahana munerdharma nigalaM
kR^ipe kaakasyaikaM hitamiti hinasti sma nayanam.h.
vilIna svaatantryo vR^iShagiri patistvat.h vihR^itibhiH
dishatyevaM devo janita sugatim.h daNDana gatim.h..64

niShaadaanaaM netaa kapi kula patiH kaapi shabarI
kuchelaH kubjaa saa vraja yuvatayo maalyakR^id.h iti.
amIShaaM nimnatvaM vR^iShagiri paterunnatimapi
prabhuutaiH srotobhiH prasabham.h anukampe samayasi..65

tvayaa dR^iShTastuShTiM bhajati parameShThI nija pade
vahan.h muurtIraShTau viharati mR^iDaanI paribR^iDhaH.
bibharti svaaraajyaM vR^iShashikhari shR^i~Ngaari karuNe
shunaasIro devaasura samara naasIra subhaTaH..66

daye dugdho danvad.h vyati yuta sudhaa sindhu nayataH
tvad.h aashleShaannityaM janita mR^ita sa~njIvana dashaaH.
svadante daantebhyaH shruti vadana karpuura gulikaaH
viShuNanvantaH shittaM vR^iShashikhari vishvaMbhara guNaaH..67

jagjjanma sthema pralaya rachanaa keli rasiko
vimuktyeka dvaaraM vighaTita kavaaTaM praNayinaam.h.
iti tvayyaayattaM dvitayam upadhI kR^itya karuNe
vishudhdaanaaM vaachaaM vR^iShashikhari naathaH stuti padam.h..68

kali xobhon.h mIlat.h xiti kaluSha kuula~NkaSha javaiH
anuchchhedair.h etaiH avaTa taTa vaiShamya rahitaiH.
pravaahaiste padmaa sahachara pariShkaariNi kR^ipe
vikalpante.analpaa vR^iSha shikhariNo nirjhara guNaaH..69

khilaM cheto vR^itteH kimidamiti vismera bhuvanaM
kR^ipe siMha xmaabhR^it.h kR^ita mukha chamatkaara karaNam.h.
bharanyaasa chchhanna prabala vR^ijina praabhR^ita bhR^itaaM
prati prasthaanaaM te shruti nagara shR^i~NgaaTaka juShaH..70

trividha chidachitsattaasthema pravR^itti niyaamikaa
vR^iShagiri vibhorichchhaa saa tvaM parairaparaahataa.
kR^ipaNa bharabhR^it.h ki~NkurvaaNa prabhuuta guNaantaraa
vahasi karuNe vaichaxaNyaM madIxaNa saahase..71

vR^iShagiri pater.h hR^idhyaa vishvaavataara sahaayinI
xapita nikhilaavadhyaa devi xamaadi niShevitaa.
bhuvana jananI puMsaaM bhogaapavarga vidhaayinI
vitamasi pade vyaktiM nityaaM bibharShi daye svayam.h..72

svaya mudayinaH sidhdaadhyaa viShkR^itaascha shubhaalayaaH
vividha vibhava vyuuhaa vaasaaH paraM cha padaM vibhoH.
vR^iShagiri mukheSh.h veteSh.h vichchhaavadhi pratilabdhaye
dR^iTa vinihitaa nishreNistvaM daye nija parvabhiH..73

hitamiti jagad.h dhR^iShTayaa kluptair.h aklupta phalaantaraiH
amati vihitair.h anyair.h dharmaayitaischa yadR^ichchhayaa.
pariNata bahuchchhadmaa padmaa sahaaya daye svayaM
pradishasi nijaabhipretaM naH prashaamyad.h apatrapaa..74

atividha shivair.h aishvaryaatma anubhuuthi rasairjanaan.h
ahR^idayam.h iha upachchhandhyaiShaaM asa~Nga dashaarthinii.
tR^iShita janataa tiirthasnaana krama xapitainasaaM
vitarasi daye viitaata~Nkaa vR^iShaadri pateH padam.h..75

vR^iShagiri sudhaa sindhau jantur.h daye nihitastvayaa
bhava bhaya pariitaapachchhityai bhajannaghamarShaNam.h.
muShita kaluSho mukteragresarairabhi puuryate
svayam.h upanataiH svaatmaananda prabhR^ityanu bandhibhiH..76

anitara juShaam.h antarmuule.apyaaya pariplave
kR^itavid.h anaghaa vichchidhyaiShaaM kR^ipe yama vashyataam.h.
prapadana phala pratyaadesha prasa~Nga vivarjitaM
pratividhim.h upaadhatse saardhaM vR^iShaadri hitaiShiNaa..77

xaNa vilayinaaM shaastra artthaanaaM phalaaya niveshite
sura pitR^i gaNe nirveshaat.h praagapi pralayaM gate.
adhigata vR^iSha xmaa bhR^in.h naathaam.h akaala vashaMvadaaM
prati bhuvam.h iha vyaachakhyus.h tvaaM kR^ipe nirupaplavaam.h..78

tvad.h upasadanaad.h adya shvo vaa mahaa pralaye api vaa
vitarati nijaM paadaambhojaM vR^iShaachala shekharaH.
tadiha karuNe tattat.h kriiDaa tara~Nga paramparaa
tara tamatayaa juShTaayaaste duratyayataaM viduH..79

praNihita dhiyaaM tvat.h saMpR^ikte vR^iShaadri shikhaamaNau
parasR^imara sudhaa dhaaraakaaraa prasiidati bhaavanaa.
dR^iDhamiti daye dataasvaadaM vimukti valaahakaM
nibhR^ita garuto nidyaayanti sthiraashaya chaatakaaH..80

kR^ipe vigatavelayaa kR^ita samagra poShaistvayaa
kali jvalana durgate jagati kaaLa meghaayitam.h.
vR^iSha xiti dharaadiShu sthiti padeShu saanuplavaiH
vR^iShaadripati vigrahair.h vyapagataakhilaa vagrahaiH..81

prasuuya vividhaM jagat tadabhi vR^iddhaye tvaM daye
samIxaNa vichintana prabhR^itibhiH svayaM taadhR^ishaiH.
vichitra guNa chitritaaM vividha dhoSha vaideshikiiM
vR^iShaachalapateH tanuM vishasi matsya kuurmaadikaam.h..82

yugaanta samayochitaM bhajati yoga nidraa rasaM
vR^iSha xitibhR^idiishvare viharaNa kramaajjaagrati.
udiirNa chaturarNavii kadana vediniiM mediniim
samud.h dhR^itavatii daye tad.h abhijuShTayaa daMShTrayaa..83

saTaa paTala bhiiShaNe sarabhasaaTTa haasodbhaTe
spurat.h kR^idhi parisphuTad.h bhR^ikuTike.api vaktre kR^ite.
daye vR^iShagiriishitur.h danuja Dimbha dattastanaa
saroja sadR^ishaa dR^ishaa samuditaakR^itir dR^ishyase..84

prasakta madhunaa vidhi praNihitaiH saparyodakaiH
samasta duritachchhidaa nigama gandhinaa tvaM daye.
asheSham.h avisheShataH trijagad.h a~njanaadrii shituH
charaacharam.h achiikara sharaNa pa~Ngajena a~Nkitam.h..85

parashvatha tapodana prathana satkrutu upaakR^ita
xitiishvara pashu xarat.h xataja ku~Nkuma sthaasakaiH.
vR^iShaachala dayaalunaa nanu vihartum.h aalipyathaa
nidhaaya hR^idaye daye nihata raxitaanaaM hitam.h..86

kR^ipe kR^ita jagadh hite kR^ipaNa jantu chintaamaNe
ramaa sahacharaM tadaa raghu dhuriiNayantyaa tvayaa.
vyabhajyata saritpatiH sakR^idavexaNaat.h tatxaNaat.h
prakR^iShTa bahu paataka prashama hetunaa setunaa..87

kR^ipe paravatas.h tvayaa vR^iSha giriishituH kriiDitaM
jagadhitaM sheShatas.h tadidam.h ittham.h arthaapyate.
madachchhala parichyuta praNata duShkR^ita prexitaiH
hata prabala daanavair.h haladharasya helaa shataiH..88

prabhuuta vibudha dviShad.h bharaNa khinna visvaMbharaa
bhara apanayanachchhalaat.h tvam.h avataarya laxmiidharam.h.
niraa kR^itavatii daye nigama saudha diipa sriyaa
vipaschit.h avigiitayaa jagati giitayaa.andhaM tamaH..89

vR^iShaadri haya saadinaH prabala dormarut.h pre~NkhitaH
tviShaa spuTa taTid.h guNastvadavaseka saMskaaravaan.h.
kariShyati daye kali prabala gharma nirmuulanaH
punaH kR^ita yugaa~NkuraM bhuvi kR^ipaaNa dhaaraadharaH..90

visvopakaaram.h iti naama sadaa duhaanaam.h
adhyaapi devi bhavatiim.h avadhiirayantam.h.
naate niveshaya vR^iShaadri pater daye tvaM
nyasta sva raxaNa bharaM tvayi maaM tvayaiva..91

naisargikeNa tarasaa karuNe niyuktaa
nimnetare.api mayi te vitatir.h yadi syaat.h.
vismaapayed.h vR^iShagiriisvaram.h api avaaryaa
velaatila~Nghana dasheva mahaam buraasheH..92

vij~naata shaasana gatir.h vipariita vR^ityaa
vR^itraadibhiH parichitaaM padaviiM bhajaami.
evaM vide vR^iShagiriisha daye mayi tvaM
diine vibhoH shamaya daNDa dharatva liilaam.h..93

maa saahasokti ghana ka~nchuka va~nchitaanyaH
pashyatsu teShu vidadhaamyati saahasaani.
padmaa sahaaya karuNe na ruNatsi kiM tvaM
ghoraM kuli~Nga shakuneriva cheShTitaM me..94

vixepam.h arhasi daye vipalaayite.api
vyaajaM vibhaavya vR^iShashaila pater.h vihaaram.h.
svaadhiina satva saraNiH svayamatra jantau
draaghiiyasii dR^iDhataraa guNa vaaguraa tvaM..95

sanatanya maanam.h aparaadhagaNaM vichintya
trasyaami hanta bhavatiiM cha vibhaavayaami.
ahnaaya me vR^iShagiriisha daye jahiimaam.h
aashiiviSha grahaNa keli nibhaam.h avasthaam.h..96

autsukya puurvam.h upahR^itya mahaaparaadhaan.h
maataH prasaadayitu michchhati me manastvaam.h.
aalihya taan.h nirava sheShamalabdha tR^iptiH
taamyas.h yaho vR^iShagiriisha dhR^itaa daye tvam.h..97

jahyaat.h vR^iShaachala patiH pratighe.api na tvaaM
gharmopatapta iva shiitaLaataam.h udanvaan.h.
saa maamaruntuda bharanyasana anuvR^itti
tadviixaNaiH spR^isha daye tava keli padmaiH..98

dR^iShTe.api durbala dhiyaM damane.api dR^iptaM
snaatvaa.api dhuulirasikaM bhajane.api bhiimam.h.
baddhvaa gR^ihaaNa vR^iShashaila paterdaye maaM
tvadvaaraNaM svayam.h anugraha shR^i~NgalaabhiH..99

naataH paraM kimapi me tvayi naathaniiyaM
maatar.h daye mayi kuruShva tathaa prasaadam.h.
baddhaadaro vR^iShagiri praNayii yathaa.asau
muktaanu bhuutim.h iha daasyati me mukundaH..100

niHsiima vaibhava juShaaM miShataaM guNaanaaM
stotur.h daye vR^iShagiriisha guNeshvariiM tvaam.h.
taireva nuunam.h avashair.h abhinanditaM me
satyaapitaM tava balaa dakuto bhayatvam.h..101

adhyaapi tad.h vR^iShagiriisha daye bhavatyaam.h
aarambha maatram.h anidam.h prathama stutiinaam.h
sandarshita svapara nirvahaNaa sahethaaH
mandasya saahasam.h ide tvayi vandino me..102

praayo daye tvadanu bhaava mahaamburaashau
praachetasa prabhR^itayo.api paraM taTasthaa.
tatraavatiirNam.h atala spR^isham.h aaplutaM maaM
padmaapateH prahasa nochitam.h aadriyethaa..103

vedaanta deshika pate viniveshya baalaM
devo dayaa shatakam.h etad.h avaadayanmaam.h.
vaihaarikeNa vidhinaa samaye gR^ihiitaM
viiNaa visheShamiva ve~NkaTa shaila naathaH..104

anavadhim.h adhikR^itya shrinivaasaanukampaam.h
avitatha viShayatvaat.h visvam.h avriiDayantii.
vividha kushala niivii ve~NkaTesa prasuutaa
stutiriyam.h anavadhyaa shobhate satva bhaajaam.h..105

shatakam.h idam.h udaaraM samya gabhyasyamaanaan.h
vR^iShagirim.h adhiruhya vyaktam.h aalokayantii.
anitara sharaNaanaam.h aadhiraajye.abhiShi~nchet.h
shamita vimata paxaa shaar~Nga dhanvaanukampaa..106

visvaanugraha maataraM vyatiShajat.h svargaa pavargaaM sudhaa
sdhriichiimiti ve~NkaTeshvara kavir.h bhaktyaa dayaam.h astuta.
padyaanaam.h yadvidheya bhagavat sa~Nkalpa kalpa dR^imaat.h
jha~njjhaamaaruta dhuuta chuuta nayataH saaMpaatiko.ayaM kramaH..107

kaamaM santu mithaH karambita guNaavadyaani padyaani naH
kasyaasmi~nchhatake sadambu katake doSha shR^itiM xaamyati.
niShpratyuuha vR^iShaadri nirjhara jharatkaara chchhale nochchalan.h
dInaalambana divya dampati dayaa kallola kolaahalaH..108

kavitaarkika siMhaaya kalyaaNa guNa shaaline.
shrImate ve~NkaTeshaaya vedaanta gurave namaH..