dehaliisha stutiH

shrImaan.h ve~NkaTa naathaaryaH kavitaarkika kesarI.
vedaantaachaarya varyo me sannidhattaaM sadaa hR^idi..

vikramya yena vijitaani jaganti bhuumnaa
vishvasya yaM parama kaaraNam.h aamananti.
vishraaNayan.h praNayinaaM vividhaan.h pumarthaan.h
goptaa sa me bhavatu gopapuraadhi raajaH..  1

dehalyadhiishvara tavedR^ishaM iishvaratvam.h
tuShTuuShataaM dishati gadgadikaa nubandham.h
vaachaalayas.h yatha cha maaM kvachana xapaayaam.h
xaantena daanta kavi mukhya vimardanena..  2

tvachchakravad.h dR^ita manehasi ghuurNamaane
nimnonnata krama nidarshita nemi vR^ittaaH.
aaraadhya gopa nagare kR^ipayoditaM tvaam.h
svaaraajyam.h agrayam.h alabhanta suraasurendraaH.. 3

aakalpa puShpa subhagonnata baahu shaakhaH
paade sadaa paripachelima satphalas.h tvam.h.
paNNaa taTa spR^ishi mR^ikaNDu tapovane.asmin.h
chhaayaa niliina bhuvano.asi tamaala shaakhii..  4

chakrasya daitya danujaadiShu vaama bhaavaM
sha~Nkhasya chaashrita janeShvapi daxiNatvam.h.
vyaktaM pradarshayasi gopa puraadhi raaja
vyatyasya nuuna manayoH kara saMprayogam.h..  5

diipena kenachi dashiita ruchaa nishiithe
snehopa panna parishuddha guNaarpitena.
dahraa vakaasha nibiDaM dadR^ishur.h bhavantam.h
svaadhyaaya yoga nayanaaH shuchayaH kaviindraaH..  6

kaasaara puurva kavi mukhya vimarda janmaa
paNNaa taTexu subhagasya raso bahuste.
tvatpaada padma madhuni tvad.h ananya bhogye
nuunaM samaashrayati nuutana sharkaraatvam.h.. 7

vairochane sadasi vaamana bhuumikaavaan.h
vikraanti taaNDava rasena vijR^imbha maaNaH.
chakre bhavaan.h makara kuNDala karNa paashaH
shyaamaika megha bharitaam.h iva sapta mokiim.h..  8

chitram.h na tat.h triShu mitaani padeShu yatte
vishvaanya muuni bhuvanaani visha~NkaTeShu.
bhaktaiH samaM kvachidasau bhavanaikadashe
maati sma muurtir.h amitaa tadihaadbhutaM naH..  9

bhaktapriya tvayi tathaa parivardha maane
muktaa vitaana vitatis.h tava puurvamaasiit.h.
haaraavaliH paramatho rashanaa kalaapaH
taaraa gaNas.h tadanu mauktika nuupura shriiH..  10

bhixochitaM prakaTayan.h prathamaashramaM tvam.h
kR^iShNaajitam.h yavanikaam.h kR^itavaan.h priyaayaaH.
vyaktaa kR^ites.h tava samiixya bhujaantare taam.h
tvaameva gopa nagariisha janaa vidus.h tvaam.h.. 11

satkurvataam.h tava padam.h chaturaana natvam.h
paadodakam.h cha shirasaa vahataam.h shivatvam.h.
ekatra vikramaNa karmaNi tad.h dvayam.h te
dehalyadhiisha yugapat.h prathitaM pR^ithivyaam.h.. 12

bhaktoparodha saha paada saroja taste
mandaakinii vigalitaa makaranda dhaaraa.
sadyas.h trivargam.h apavargam.h api xarantii
puNyaa babhuuva pura shaasana mauli maalaa..  13

vikraanti ketu paTikaa pada vaahinii te
nya~nchant.h yupaiti nata jiivita shiMshumaaram.h.
auttaanapaadim.h amR^itaaMshum.h ashiita bhaanum.h
hemaachalam.h pashupatiM himavantam.h urviim.h.. 14

vedhaH kamaNDalu jalair.h vihitaarchanam.h te
paadaambujam.h prati dinam.h prati padya maanaa.
stotra priya tripathagaadi saridvaraaNaam.h
paNNaa babhuuva bhuvane bahumaana paatram.h.. 15

svachchhanda vikrama samunnamitaad.h amuShmaat.h
srotas.h trayam.h yada bhavat.h tava paada padmaat.h.
vetaala bhuuta sarasaam.h apadishya vaacham.h
praayeNa tat.h prasava bhuumim.h avaapa bhuuyaH.. 16

kriiDaapareNa bhavataa vihito parodhaan.h
aaraadhakaa nanuparodham.h uda~nchayiShyan.h.
taamreNa paada nakhareNa tadaa.aNDa madhye
ghaNTaapatham.h kamapi nuunam.h avartayas.h tvam.h.. 17

kaamaavile.api karuNaarNava bindurekaH
xiptaH svakeli tarasaa tava dehaliisha
tat.h santate rubhayathaa vitatiM bhajantyaaH
saMsaara daava dahanaM shamayat.h yasheSham.h.. 18

niiDodaraan.h nipati tasya shukaarbha kasya
traaNena naatha viharanniva saarva bhaumaH.
aadaaya gopa nagaraadhi pate svayam.h maam.h
kriiDaa dayaa vyati kareNa kR^itaarthaya tvam.h..  19

liilaa shakuntamiva maaM svapado palabdhyai
svairaM xipan.h durita pa~njarato guNastham.h.
tattaadR^ishaM kamapi gopa purii vihaarin.h
santoSham.h ullalaya saagara saMbhavaayaaH..  20

vaatuula kalpa vR^ijina prabhavair.h madiiyaam.h
vaiyaakuliim.h viShaya sindhu tara~Nga bha~NgaiH.
daasopamarda saha durnirasaaM tvadanyaiH
anviixaya gaaDhaM anukampitum.h arhasi tvam.h..  21

enasviniim.h iti sadaa mayi jaayamaanaam.h
dehalyadhiisha dR^iShado.api vilaapayantiim.h.
naathe samagra shakane tvayi jaagaruuke
kiM te saheta karuNaa karuNaam.h avasthaam.h.  22

aatmonnitiM paranikarShamapiiha vaa~nchhaan.h
nimne.api moha jaladhau nipataami bhuuyaH.
tanmaam.h uda~nchaya tavonnata paada nighnam.h
dehalyadhiisha guNitena dayaa guNena..  23

axiiNa kalmaSha raso.api tava aanR^ishaMsyaat.h
laxmii samaxamapi vij~napayaam.h yabhiitaH.
bhaktopamarda rasika svayamalpa budhdeH
yan.h manyase mama hitam.h tad.h upaadadiithaaH.. 24

manye dayaardra hR^idayena mahaa dhanam.h me
dattam.h tvayedam.h anapaayam.h aki~nchinatvam.h
yena stanandhayamiva svahitaana bhij~nam.h
nyaasii karoShi nija paada saroruhe maam.h..  25

durvaara tiivra durita prativaavaduukaiH
audaaryavadbhi ranagha smita darshaniiyaiH.
dehalyadhiishvara dayaa bharitair.h apaa~NgaiH
vaachaM vinaapi vadasiiva mayi  prasaadam.h..  26

ayam.h anavama suuktair.h aadi  bhaktair.h yathaavat.h
vishidita nija tatvo vishvam.h avyaada bhavyaat.h
ratha charaNa niruuDha vya~njanaanaam.h janaanaam.h
durita mathana liilaa dohalii dehaliishaH..  27

iyam.h avitatha varNaa varNaniiya svabhaavaat.h
vidita nigama siimnaa ve~NkaTeshena giitaa.
bhava maru bhuvi tR^iShNaa lobha paryaa kulaanaam.h
dishatu phalam.h abhiiShTaM dehaliisha stutir.h naH..  28

kavitaarkika siMhaaya kalyaaNa guNa shaaline.
shrImate ve~NkaTeshaaya vedaanta gurave namaH..