shrImaan.h ve~NkaTa naathaaryaH kavitaarkika kesarI.
vedaantaachaarya varyo me sannidhattaaM sadaa hR^idi..

praNata sura kiriiTa praanta mandaara maalaa
vigalita makaranda snigdha paadaara vindaH.
pashupati vidhi puujyaH padma patraayataaxaH
phaNipati puranaathaH paatu maaM deva naathaH.. 1

devaadhi naatha kamalaa pR^itanesha puurvaaM
diiptaantaraaM vakula bhuuShaNa naatha mukhyaiH.
raamaanuja prabhR^itibhiH pari bhuuShitaagraaM
goptriiM jaganti gurupa~NktiM ahaM prapadye..  2

divye dayaa jalanidhau diviShan.h niyantuH
tiirthaM nidarshita vataH tri jagan.h niShevyam.h.
praachaH kaviin.h nigama saMmita suunR^itoktiin.h
praachetasa prabhR^itikaan.h praNamaam.h yabhiixNam.h.. 3

maataH tvam.h amburuha vaasini ki~nchidetat.h
vij~naapyate mayi kuruShva tathaa prasaadam.h.
aakarNa yiShyati yathaa vibudheshvaraste
preyaanasau pR^ithuka jalpitavan.h maduktim.h..  4

nirvishyamaana vibhavaM nigamotta maa~NgaiH
stutuM xamaM mama cha devapate bhavantam.h.
gaavaH pibantu gaNashaH kalashaamburaashiM
kiM tena tarNaka gaNaas.h  tR^iNa maadadaanaaH.. 5

aj~naata siimakam.h ananta garutmadaadyaiH
taM tvaaM samaadhi niyatair.h api saami dR^iShTam.h.
tuShTuuShato mama manoratha siddhi daayii
daaseShu satya iti dhaaraya naamadheyam.h..  6

vishraaNayan.h mama visheSha vidaam.h anindyaam.h
antarvatiim giram.h ahiindra puraadhi raaja.
stavyas.h stavapriya itiiva tapodha noktaM
stoteti cha tvad.h abhidhaanam.h avandhyaya tvam.h.. 7

saMraxaNiiyam.h amaraadhipate tvayaiva
duuraM prayaatamapi dustyaja gaaDhabandham.h.
aakR^iShTa vaanasi bhavaan.h anukampa maanaH
suutraanu baddha shakuni kramataH svayaM maam.h.. 8

vyaamohitaa vividha bhoga mariichikaabhiH
vishraanti madya labhate vibudhaika naatha.
gambhiira puurNa madhuraM mamadhiir.h bhavantaM
griiShme taTaakamiva shiitam.h anupraviShTaa..  9

divye pade jalanidhau nigamotta maa~Nge
svaante sataaM savitR^i maNDala madhya bhaage.
brahmaachale cha bahumaana pade muniinaaM
vyaktiM tava tridasha naatha vadanti nityaam.h  10

tiirthair.h vR^itaM vR^ijina durgati naashanaarhaiH
sheSha xamaa vihagaraaja viri~ncha juShTaiH.
naatha tvayaa nata janasya bhavauShadhena
prakhyaata mauShadha giriM praNamanti devaaH.. 11

svaadhiina vishva vibhavaM bhagavan.h visheShaat.h
tvaaM devanaayaka mushanti paraavaraj~naaH.
praayaH pradarshayitum.h etad.h iti pratiimaH
tvad.h bhakthi bhuuShita dhiyaam.h iha devabhaavam.h.. 12

tattvaani yaani chidachit.h pravibhaagavanti
trayyanta vR^itdha gaNitaani sitaasitaani
diivyanti taani ahipurandara dhaamanaatha
divyaastra bhuuShaNa tayaa tava vigrahe.asmin.h.. 13

bhuuShaayudhair.h adhigataM nijakaanti hetoH
bhuktaM prayaabhir.h animeSha vilochanaabhiH.
pratya~Nga puurNa suShamaa subhagaM vapuste
dR^iShThvaa dR^ishau vibudha naatha na tR^ipyato me.. 14

vedeShu nirjarapate nikhileShvadhiitaM
vyaasaadibhir.h bahumataM tava suuktam.h agryam.h.
a~Ngaanyamuuni bhavataH subhagaan.h yadhiite
vishvaM vibho janitavanti viri~ncha puurvam.h..  15

deveshvara tvamiha darshayitum xamaste
naatha tvayaa.api shirasaa vidhR^itaH kiriiTaH
ekiikR^ita dyumaNi bimba sahasra diiptiH
nirmuulayan.h manasi me nibiDaM tamisram.h..  16

mugdha smitaamR^ita shubhena mukhendunaa te
saMgamya saMsaraNa sa~njvara shaantaye naH.
saMpadyate vibudhanaatha samaadhi yogyaa
sharvaryasau kuTila kuntala kaanti ruupaa..  17

bimbaadharaM vikacha pa~Nkaja lochanaM te
lambaalakaM lalita kuNDala darshaniiyam.h.
kaantaM mukhaM kanaka kaitaka karNapuuraM
svaantaM vibhuuShayati devapate madiiyam.h..  18

labdhaa tithau kvachidiyaM rajanii kareNa
laxmiiH sthiraa surapate bhavato lalaaTe.
yat.h sveda bindu kaNikodgata budbudaantaH
tryaxaH puraa sa puruSho.ajani shuula paaNiH..  19

laavaNya varShiNi lalaaTa taTe ghanaabhe
bibhrat.h taTidguNa visheSham.h iva uurdhva puNDram.h.
vishvasya nirjarapate tamasaa.a.avR^itasya
manye vibhaavayasi maa~Ngalika pradiipam.h..  20

aahuH shR^itiM vibudhanaayaka taavakiinaam.h
aashaagaNa prasava hetum adhiita vedaaH.
aakarNite tadiyam.h aartarave prajaanaam.h
aashaaH prasaadhayitum.h aadishati svayam.h tvaam.h.. 21

kandarpa laa~nchhana tanustridashaika naatha
kaanti pravaaha ruchire tava karNa paashe
puShyat.h yasau pratimukha sthiti darshaniiyaa
bhuuShaamayii makarikaa vividhaan.h vihaaraan.h.. 22

netum saroja vasatir.h nijamaadhi raajyaM
nityam nishaamayati devapate bhruvau te.
evaM na chedakhila jantu vimohanaarhaa
kiM maatR^ikaa bhavati kaama sharaasanasya..  23

aalaxya satvam.h ativela dayottara~Ngam.h
abhyarthi naam.h abhimata pratipaada naarham.h.
snigdhaayataM prathima shaali suparva naatha
dugdhaambudher.h anukaroti vilochanaM te..  24

vishvaabhir.h axaNa vihaara kR^itaxaNaiste
vaimaanikaadhipa viDambita mugdha padmaiH.
aamoda vaahibhi ranaamaya vaakyagarbhaiH
aardrii bhavaam yamR^ita varShanibhair.h apaa~NgaiH.. 25

nityoditair.h nigama niH shvasitais.h tavaiShaa
naasaa nabhashcharapate nayanaabdhi setu.
aamreDita priyatamaa mukhapadma gandhaiH
aashvaasinii bhavati samprati muhyato me..  26

aaruNya pallavita yauvana paarijaatam.h
aabhiira yoShid.h anubhuutam.h amartya naatha.
vaMshena sha~Nkha patinaa cha niShevitaM te
bimbaadharaM spR^ishati raagavatii matir.h me..  27

padmaalayaa valaya datta sujaata rekhe
tvat.h kaanti mechakita sha~Nkha nibhe matirme.
vismera bhaava ruchiraa vanamaalikeva
kaNThe guNiibhavati devapate tvadiiye..  28

aajaanu lambibhir.h ala~NkR^ita heti jaalaiH
jyaaghaata raaji ruchirair.h jita paarijaataiH.
chitraa~NgadaiH tridasha pu~Ngava jaata sa~Ngaa
tvadbhaahubhir.h mama dR^iDhaM pari rabhyate dhiiH 29

niilaacha lodita nishaakara bhaaskaraabhe
shaantaa hite surapate tava sha~Nkha chakre.
paaNera muShya bhajataam.h abhaya pradasya
pratyaayanaM jagati bhaavayataH svabhuumnaa.. 30

axobhaNiiya karuNaambudhi vidR^imaabham.h
bhaktaanura~njanaM amartya pate tvadiiyam.h.
nityaaparaadha chakite hR^idaye madiiye
dattaabhayaM sphurati daxiNa paaNi padmam.h..  31

durdaanta daitya vishikha xata patra bha~NgaM
viirasya te vibudha naayaka baahu madhyam.h.
shriivatsa kaustubha ramaa vanamaali kaa~Nkam.h
chintaa anubhuuya labhate charitaarthataaM naH.. 32

varNa krameNa vibudhesha vichitri taa~Ngii
smera prasuuna subhagaa vanamaali keyam.h.
hR^idyaa sugandhi rajahat.h kamalaa maNiindraa
nityaa tava sphurati muurtir.h iva dvitiiyaa..  33

aardraM tamo mathanam.h aashrita taarakaM te
suddhaM manaH sumanasaaM amR^itam duhaanam.h.
tat.h taadR^ishaM vibudha naatha samR^iddha kaamaM
sargeShvidaM bhavati chandra masaaM prasuutiH.. 34

vishvaM nigiirya vibudheshvara jaata kaarshyaM
madhyaM valitraya vibhaavya jagad.h vibhaagam.h.
aamodi naabhi nalinastha viri~ncha bhR^i~Ngam.h
aakalpayat.h yudara bandha ivaashayo me..  35

naakau kasaaM prathamataa madhi kurvate te
naabhii saroja rajasaaM pariNaama bhedaaH.
aaraadhayadbhir.h ihatair.h bhavataH samiichii
viirochitaa vibudha naayaka itya bhikhyaa..  36

piitaambareNa parivaaravatii sujaataa
daasye niveshayati deva pade dR^ishau me.
vinyasta savya kara sa~Ngama jaayamaana-
romaa~ncha ramya kiraNaa rashanaa tvadiiyaa..  37

strii ratna kaaraNam.h upaatta tR^itiiya varNam.h
daityendra viira shayanaM dayito padhaanam.h
devesha yauvana gajendra karaabhi raamam.h
uurii karoti bhavad.h uuruyugaM mano me..  38

laavaNya puura lalitordhva paribhra maabhaM
laxmii vihaara maNi darpaNa baddha sakhyam.h.
gopaa~NgaNeShu kR^ita cha~NkramaNaM tavaitat.h
jaanudvayaM surapate na jahaati chittam.h..  39

duutye dukuula haraNe vraja sundariiNaam.h
daityaanu dhaavana vidhaavapi labdha saahyam.h.
kandarpa kaahala niSha~Nga kalaachi kaabhaM
ja~NghaayugaM jayati deva pate tvadiiyam.h  40

paaShaaNa nirmita tapodhana dharma daaraM
bhasman.h yupaahita narendra kumaara bhaavam.h.
saMvaahitaM tridasha naatha ramaa mahiibhyaaM
saamaanya daivatam.h ushanti padaM tvadiiyam.h.. 41

aavarjitaabhi ranuShajya nijaaMshu jaalaiH
devesha divya pada padma dalaayi taabhiH.
anyaabhilaaSha parilolamidaM madiiyam.h
a~NgiikR^itaM hR^idayaM a~NgulibhiH svayaM te.. 42

pa~Nkaanyasau mama nihanti mahaH tara~NgaiH
ga~NgaadhikaaM vida dhatii garuDa sravantiim.h.
naakaukasaaM maNi kiriiTa gaNair.h upaasyaa
naatha tvadiiya padayor.h nakha ratna pa~NktiH.. 43

vajra dhvajaa~Nkusha sudhaa kalashaata patra
kalpa drumaamburuha toraNa sha~Nkha chakraiH.
matsyaadibhishcha vibudheshvara maNDitaM te
maanyaM padaM bhavatu mauli vibhuuShaNaM naH.. 44

chitraM tvadiiya pada padma paraaga yogaad.h
yogaM vinaa.api yugapad.h vilayaM prayaanti.
viShva~nchi nirjara pade shirasi prajaanaaM
vedhaH svahasta likhitaani duraxaraaNi..  45

ye janma koTibhir.h upaarjita shuddha dharmaaH
teShaaM bhavachcharaNa bhaktir.h atiiva bhogyaa.
tvajjiivitaiH tridasha naayaka durlabhaistaiH
aatmaanaM apyakathayaH svayaM aatma vantam.h.. 46

niShki~ncha natva dhaninaa vibudhesha yena
nyastaH svaraxaNa bharastava paada padme.
naanaavida prathita yoga visheSha dhanyaaH
naarhanti tasya shata koTi tamaaMsha kaxyaam.h.. 47

aatmaa pahaara rasikena mayaiva dattam.h
anyair.h adhaaryam.h adhunaa vibudhaika naatha.
sviikR^itya dhaarayituM arhasi maaM tvadiiyam.h
choropaniita nija nuupuravat.h svapaade..  48

aj~naana vaaridhiM apaaya dhurandharaM maaM
aaj~naa vibha~njanaM aki~nchana saarva bhaumam.h.
vindan.h bhavaan.h vibudha naatha samasta vedii
kiM naama paatram.h aparaM manute kR^ipaayaaH.. 49

prahlaada gokula gajendra parixidaadyaaH
traataas.h tvayaa nanu vipattiShu taadR^ishiiShu
sarvaM tadekam.h aparaM mama raxaNaM te
santolyataaM tridasha naayaka kiM gariiyaH..  50

vaatyaa shatair.h viShaya raaga dayaa vivR^ittaiH
vyaaghuurNamaana manasaM vibudhaadhiraaja.
nityopatapta iti maaM nija karma gharmaiH
nirveshaya svapada padma madhu pravaaham.h.. 51

jaya vibudha pate tvaM darshitaa bhiiShTa daanaH
saha sarasija vaasaa mediniibhyaaM vashaabhyaam.h.
nalava namiva mR^idnan.h paaparaashiM nataanaaM
garuDa sarida nuupe gandha hastiiva diivyan.h..  52

niravadhi guNa jaataM nitya nirdoSham.h aadyaM
naraka mathana daxaM naakinaa meka naatham.h.
vinata viShaya satyam.h ve~NkaTeshaH kavistvaam.h
stuti pada madhi gachchhan.h shobhate satyavaadii.. 53

kavitaarkika siMhaaya kalyaaNa guNa shaaline.
shrImate ve~NkaTeshaaya vedaanta gurave namaH..