shrutiinaam.h uttaraM bhaagaM vegavatyaashcha daxiNam.h
kaamaad.h adhivasan.h jiiyaat.h kashchid.h adbhuta kesarii..1

tapanendvagni nayanaH taapaan.h apachinotu naH.
taapaniiya rahasyaanaaM saaraH kaamaasikaa hariH..2

aakaNThaM aadipuruShaM
kaNThiiravam.h upari kuNThi taaraatiim.h.
vegopakaNTha sa~Ngaat.h
vimukta vaikuNTha bahumatim.h upaase..3

bandhum.h akhilasya jantoH
bandhura parya~Nka bandha ramaNiiyam.h.
viShama vilochana miiDe
vegavatii pulina keli narasiMham.h..4

sva sthaaneShu marudgaNaan.h niyamayan.h svaadhiina sarvendriyaH
parya~Nka sthira dhaaraNaa prakaTita pratya~Nmukhaa vasthitiH.
praayeNa praNipeduShaH prabhurasau yogaM nijaM shixayan.h.
kaamaan.h aatanutaad.h asheSha jagataaM kaamaasikaa kesarii..5

vikasvara nakha svaru xata hiraNya vaxaH sthalii
nirargala vinirgalad.h R^idhira sindhu sandhyaayitaaH.
avantu madanaasikaa manuja pa~ncha vaktrasya maam.h
aham.h prathamikaa mithaH prakaTitaahavaa baahavaH..6

saTaa paTala bhiiShaNe sarabha saaTTaa haasodbhaTe
sphurat.h kR^idhi parisphuTad.h bhR^ikuTike.api vaktre kR^ite.
kR^ipaa kapaTa kesarin.h danuja Dimbha datta stanaa
saroja sadR^ishaa dR^ishaa vyativiShajya te vyajyate..7

tvayi raxati raxakaiH kimanyaiH
tvayi chaaraxati raxakaiH kimanyaiH.
iti nishchita dhiiH shrayaami nityaM
nR^ihare vegavatii taTaashrayaM tvaam.h..8

itthaM stutaH sakR^idi haaShTabhireSha padhyaiH
shrii ve~NkaTesha rachitaistridashendra vandhyaH.
durdaanta ghora durita dviradendra bhedii
kaamaasikaa naraharir.h vitanotu kaamaan.h..9

kavitaarkika siMhaaya kalyaaNaguNashaaline .
shriimate veN^kaTeshaaya vedaantagurave namaH ..