shrii ki~NgR^ihesha stuthi

This stotra has been composed by Swami Desikan glorifying the greatness of Sri Veeraraghavan of Thiru evvuL (Thiruvallur divya desam). Since HE is curing the diseases of HIS bhagavathas Perumal in this divya desam is fondly called as Vaidhya veeraraghavan (meaning doctor Veeraraghavan). Please recite and seek the blessings.
shrImaan.h ve~NkaTa naathaaryaH kavitaarkika kesarI.
vedaantaachaarya varyo me sannidhattaaM sadaa hR^idi..

ayatna saMkalpita sarvaloka sargaapavargasthiti saMvidhaanam.h.
anaadimadhyaantamasheShanaathaM kiMgehanaathaM sharaNaM bhajaami..1

akR^itrimaanaaM vachasaamabhuumiM agocharaM brahmashivaadivaachaam.h.
ahaM stuve ki~NgR^ihanaayaka tvaaM tathaapyalajjaMstu mitaM pachoktiH..2

aki~nchano.ananyagatistvadiiya stutiM karomiiti matiM karomi.
kR^ipaanidhe kiMgR^ihanaayakaadya tvameva me vaachamudiirayethaaH..3

tvayaiva dattaamupalabhya vaaNiiM aNiiyasiimapyatulaprabhaavam.h.
prasaadaye ki~NgR^ihanaayaka tvaaM nachet.h kuto me saphalaM vachassyaat.h..4

anena jiivena samastavastu pravishya naamaani cha rUpabhedaiH.
vyaakR^itya viixaavanamadhya bhaage vibhuM shayaanaM satataM bhajaami..5

asheSha puMsaaM hR^idi sanniviSh{}TaM analpashaktyaadi guNairvishiSh{}Tam.h.
hR^ittaapa hR^itpa~Nkaja bhR^i~NgajuSh{}TaM devaM bhaje kiMgR^ihagaM mameSh{}Tam.h.. 6

shrii shaalihotraarpita shaalipiSh{}Ta hR^iSh{}To bhavaan.h deva shayiShNurenam.h.
kiM gehamatreti yadaavadat.h tat.h kiMgehamaasiit.h tava sadma naamnaa..7

padmaa mahiilaalita paada padmam.h padmaasanaadhiShThita nimnanaabhim.h.
shayaanamaakramya bhuja~NgatalpaM kiMgehasadmaanamahaM nato.asmi..8

vismeramaasiit.h bhuvanaM tvadiiya charitra manviixya chirapravR^ittam.h.
kiMgeha naathaasurakaiTabhaadi nibarhaNaathaM kila sarvashakte..9

ga~Ngaadi tiirthaani niShevya shaMbhuH sarvaaNi puNyaayatanaani gatvaa.
amuk{}ta puurvo vidhihatyayaatvaaM kiMsevya kiMgehapade vimuktaH..10

ajanhujaanodya mahaaparaadhaM dvijaM hi hR^ittaapaharaM saraste.
atiitarat.h kaushikamadbutaM tvat.h prabhaavataH kiMgR^iha naatha naitat.h.. 11

raghupraviirasya tavaarhametat.h yathaagatasyaiva siporjighaaMsoH.
vidhuuya raxastvaM amuShya divyaM adaaH padaM kiMgR^iha naayaka tvam.h.. 12

piSh{}Tapradiipaan.h parikalpya ye tvaaM hR^iShTaa bhajante.ahani puShyadarshe.
iSh{}Tapradaayii vitanoShi teShaaM kaSh{}Topabhogyaanyapi kaa~Nxitaani.. 13

vikaasayan.h maanasapa~Nkajaani vipashchitaaM nishchala bhakti bhaajaam.h.
praadurbhavannaasurakaiTabhaadi tamorave tvaM mayi suprasiida.. 14

pradyumna naamne tapasaaM hi dhaamne kR^ipaaprasanne tvayi kiMgR^ihesha.
ga~Ngaa dhikatvaM na kimaapa tiirthaM hR^ittaapahaM vaa tanayaM na vandhyaa.. 15

tvam.h sarvavit.h tvam.h kamalaa sahaayaH tvameva vedaanta vacho.avaseyaH.
bhavantametaM sharaNaM prapannaaH vayaM na yasmaat.h paramasti daivam.h.. 16

puraaNapuMbhaavamaho viguuhya yuvatvamevaakalayan.h suruupam.h.
upaayamastvaM kila dharmasenasutaaM nataa~Ngiimiha kiMgR^ihesha.. 17

shrii bhuumilaalitapadaM shritasheShatalpaM kalpaantayogya bhuvanaavana yoganidram.h.
shrii shaalihotra shirasaa dhR^itahasta padmam.h shrii viiraraaghava vibhuM shrayataaM mano me.. 18

ve~NkaTesha kavinaa vinirmitaaM kiMgR^ihaadhipati saMstutiM paThan.h.
divyabhogamupabhujya maanavo bhavyaruupamavalokayet.h prabhoH.. 19

kavitaarkika siMhaaya kalyaaNa guNa shaaline.
shrImate ve~NkaTeshaaya vedaanta gurave namaH.