shrImaan.h ve~NkaTa naathaaryaH kavitaarkika kesarI.
vedaantaachaarya varyo me sannidhattaaM sadaa hR^idi..

gurubhyas.h tad.h gurubhyashcha namo vaaka madhiimahe.
vR^iNiimahe cha tatraadyau daMpati jagataaM pati..  1

praayaH prapadane puMsaaM paunaH punyaM nivaarayan.h.
hastaH shrii ra~Nga bhartur.h maam.h avyaad.h abhaya mudritaH.. 2

anaader.h nissiimno durita jaladher.h yannirupamaM
viduH praayashchittaM yadu raghu dhuriiNaashaya vidaH.
tadaarambhe tasyaa giram.h avadadhaanena manasaa
prapadye taamekaam.h shriyam.h akhila naathasya mahiShiim.h.. 3

mahendraagnaa viShNu prabhR^itiShu mahattva prabhR^itivat.h
prapattavye tattve pariNamita vaishiShTya vibhavaam.h.
adhR^iShyatvam.h dhuutvaa kamitur.h abhigamyatva jananiiM
shriyaM shiitaa paa~NgaaM aham.h asharaNo yaami sharaNam.h.. 4

svataH siddha shriimaanamita guNa bhuumaa karuNayaa
vidhaaya brahmaadiin.h vitarati nijaadeshamapi yaH.
prapattyaa saaxaad.h vaa bhajana shirasaa vaa.api sulabham.h
mumuxur.h deveshaM tamaham.h adhi gachchhaami sharaNam.h.. 5

vR^indaani ya svaH vashayan.h vraja sundariiNaam.h
bR^indaa vanaantara bhuvaaM sulabho babhuuvaH.
shriimaan.h asheSha jana sa~NgrahaNaaya shete
ra~Nge bhuja~Nga shayane sa mahaa bhuja~NgaH..  6

ra~NgaastiirNa bhuja~Nga pu~Ngava vapuH parya~Nka varyaM gatau
sarga sthiti avasaana keli rasikau tau dampatii naH patii.
naabhii pa~Nkaja shaayinaH shruti sukhair.h anyonya baddhasmitau
Dimbhasyaabuja saMbhavasya vachanair.h oM tat sad.h ityaadibhiH.. 7

ghana karuNaa rasaugha bharitaaM paritaapa haraaM
nayana mahashchhaTaaM mayi tara~Ngaya ra~Nga pate.
durita hutaashana sphurita durdama duHkha maShii-
malinita vishva saudha dura pahnava varNa sudhaam.h..  8

durmocha udbhaTa karma koTi nibiDo.api aadesha vashyaH kR^ito
baahyair.h naiva vimohito.asmi kudR^ishaaM paxair.h na vixobhitaH.
yo maahaanasiko mahaan.h yatipaterniitashcha tat.h pautrajaan.h
aachaaryaa niti ra~Nga dhurya mayi te svalpa avashiShTo bharaH.. 9

aarteShvaashu phalaa tadanya viShaye.api uchchhinna dehaantaraa
vahnyaader.h anapexaNaat.h tanubhR^itaaM satyaadivad.h vyaapinii.
shriira~Ngeshvara yaavadaatma niyata tvat paaratantra yochitaa..
tvayyeva tvadupaaya dhiir.h apihita svopaaya bhaavaa.astu me.. 10

tvayyaachaaryaiH vinihita bharaastaavakaa ra~Nganaatha
tvat.h kai~Nkarya pravaNa manasaH tvat.h guNaasvaada mattaaH.
tvayyekasminnapi vijahato muktavat.h saadhanatvaM
tvachchheShatva svarasa rasikaaH suurayo  me svadantaam.h.. 11

kalpa stome.apyapaasta tvaditara gatayo ashakti dhii bhakti bhuumnaa
ra~Ngesha praatikuulya xaraNa pariNaman.h nirvighaata anukuulyaaH.
traataaraM tvaamabhedyaachchharaNa varaNato naatha nirvighnayantaH
tvan.h nixiptaatma raxaaM prati rabhasa juShaH sva pravR^ittim tyajanti.. 12

tyaktopaaya vyapaayaan.h tadubhaya karaNe satrapaan.h saanutaapaan.h
bhuuyo.apittat.h prapat.h yaa prashamita kaluShaan.h hanta sarvaM sahastvam.h
ra~Ngin.h nyaasaantara~Nga akhila jana hitataa gochara tvannidesha-
priiti praapta sva varNaashrama shubha charitaan.h paasi dhanyaan.h ananyaan.h.. 13

shokaaspadaaMsha mathanaH shrayataaM bhavaabdhau
raagaaspadaaMsha sahajaM na ruNatsi duHkham.h.
no chedamii jagati ra~Nga dhuriiNa bhuuyaH
xodiShTha bhoga rasikaastava na smareyuH.. 14

hetur.h vaidhe vimarshe bhajanavad.h itarat.h kiM tvanuShTaana kaale
vedya tvadruupa bhedo vividha iha sa tu upaayataa anya anapexaa.
ra~Ngin praabdha bha~Ngaat.h phalamadhikaM anaavR^ittir.h ukteShTivat.h syaat.h
naanaa shabdaadi bhedaat.h prapadana bhajane suuchite suutra kaaraiH.. 15

bhaktau ra~Nga pate yathaa khalu pashuchchhaagaadivat.h vedana-
dhyaanopaasana darshanaadi vachasaam.h ichchhanti abhinna arthataam.h.
vyakti aikyaat.h chharaNaagati prapadana tyaagaatma nixepaNa-
nyaasaadyeShu tathaiva tantra nipuNaiH paryaayataa smaryate.. 16

vishvaasaayaasa bhuumnaa nyasta bhajanayor.h gaurave ko visheShaH
tatsadbhaave.api dharmaantara iva ghaTate kartR^i bhedaad.h vikalpaH.
tadbhedo ra~Ngashaayin.h anitara gatitaadyuttha shokaatirekaat.h
sadvidyaadau vikalpastvabhimati bhidayaa tena tatra aikaraashyam.h.. 17

dhruvamadhi kR^iti bhedaad.h karmavat.h ra~Nga shaayin.h
phalati phalamanekaM tvatpade bhakti rekaa.
sharaNa varaNa vaaNii sarva hetus.h tathaa.asau
kR^ipaNa bhajana niShThaa buddhi dhaurbalya kaaShThaa..  18

kartavyaM sakR^ideva hanta kaluShaM sarvaM tato nashyati
brahmeshaadi sudurlabhaM padamapi praapyaM mayaa draagiti.
vishvaasa pratibandhi chintamidaM paryasyati nyasyataaM
ra~Ngaadhiisha ramaapatitva subhagaM naaraayaNa tvaM tava.. 19

dhii karma bhakti rahitasya kadaa.apyashaktyaa
ra~Ngesha bhaava kaluSha praNati dvayokteH.
manye balaM prabala duShkR^ita shaalino me
tanmuula deshika kaTaaxa nipaatam.h aadyam.h..   20

andho.anandha grahaNa vashago yaati ra~Ngesha yadvat.h
pa~Ngurnaukaa kuhara nihito niiyate naavikena.
bhu~Nkte bhogaan.h avidita nR^ipaH sevakasya arbhakaadiH
tvat.h saMpraaptau prabhavati tathaa deshiko me dayaaluH.. 21

uktvaa dhana~njaya vibhiiShaNa laxyayaa te
pratyaayya laxmaNa munerbhavataa vitiirNam.h.
shrutvaa varaM tadanubandha madaa valipte
nityaM prasiida bhagavan.h mayi ra~Nganaatha..   22

sakR^idapi vinataanaaM sarvade sarva dehini
upaniShad.h abhidheye bhaagadheye vidheye.
viramati na kadaachin.h mohato haa hato.ahaM
viShama viShaya chintaa meduraa me duraashaa..  23

yaavajjiivaM jagati niyataa deha yaatraa bhavitrii
tyaktaaH sarve trichatura dina glaana bhogaa na bhogaaH.
datte ra~Ngii nijamapi padaM deshikaadesha kaa~Nxii
kiM te chinte paramabhimataM khidyase yat.h punastvam.h.. 24

api muhuraparaadhair.h aprakampya anukampe
vahati mahati yoga xema bR^indaM mukunde.
mada kaluSha maniiShaa vajralepa avalepaan.h
anuguNayitum.h iihe na prabhuun.h aprabhuutaan.h..   25

maatar.h bhaarati mu~ncha maanuSha chaTuun.h he deha labdhailam.h
lubdha dvaara duraasikaa paribhavaiH toShaM juShethaa manaH.
vaachaH siimani ra~Nga dhaamani mahaananda unnamad bhuumani
svaamini aatmani ve~NgaTeshvara kaveH svena arpito.ayaM bharaH.. 26

daasyaM laasyavataa.anumatya manasaa ra~Ngeshvara tvatpade
nityaM kiM kara vaaNyahaM na tu punaH kuryaaM kadaryaashrayaam.h.
miilachchaxuShi vellita bhruNi muhur.h dattaava maanaaxare
bhiime kasyachida aaDhyakasya vadane bhixaa vilaxaaM dR^isham.h.. 27

tvayye kaa~nchali ki~Nkare tanubhR^itaaM nirvyaaja sarvaM sahe
kalyaaNaatmani ra~Nga naatha kamalaa kaante mukunde sthite.
svaamin.h paahi dayasva deva kushalin.h jiiva prabho bhaavayeti
aalaapaan.h avalepiShu pralapituM jihreti jihvaa mama..  28

tvayi sati ra~Nga dhurya sharaNaagata kaamadughe
nirupadhika pravaaha karuNaa pariNaahavati.
parimita desha kaala phaladaan.h phaladaakR^ikaan.h
kathamadhi kurmahe vidhi shiva pramukhaana mukhaan.h..  29

omiti abhyupagamya ra~Nga nR^ipate ananyochitaam sheShataaM
svaatantryaadimayiim.h apohya mahatiiM adyaaM avidyaasthitim.h.
nityaa sa~Nkhya visiima bhuuti guNayor.h yaayaam.h anaayaasataH
sevaa saMpadam.h indiresha yuvaror.h aikaantika aatyantikiim.h.. 30

aachaaryaat.h ra~Nga dhurya dvaya samadhigame labdha sattam tadaatve
vishliShTaashliShTa puurvottara durita bharaM yaapita aarabdha deham.h.
niitaM tvatkaistvayaa vaa niravadhika dayodbhuuta bodhaadi ruupam.h
tvadbhogaika svabhogaM dayitamanucharaM tvatkR^ite maaM kuruShva.. 31

vidhaanaaM ra~Ngeshaad.h adhigatavato ve~NkaTa kaveH
sphurad.h varNaM vaktre pari kalayataaM nyaasa tilakam.h.
ihaamutraapyeSha praNata jana chintaamaNi giriH
sva parya~Nge sevaaM dishati phaNi parya~Nka rasikaH..  32

kavitaarkika siMhaaya kalyaaNa guNa shaaline.
shrImate ve~NkaTeshaaya vedaanta gurave namaH..