shriimaan.h veN^kaTa naathaaryaH kavitaarkika kesarii |
vedaantaa chaarya varyome sannidhattaaM sadaahR^idi ||

siddhaM sat.h saMpradaaye sthira dhiya managhaM shrotriyaM brahma niShThaM
sat.h tvasthaM satya vaachaM samaya niyatayaa saadhu vR^ittyaa sametam.h.
Dambhaasuuyaadi muktaM jita viShayi gaNaM diirgha bandhuM dayaaluM
skhaalitye shaasitaaraM sva para hita paraM deshikaM bhuuShNur.h iipset.h.. 1

a~n~naana dhvaanta rodhaad.h agha pariharaNaad.h aatma saamyaa vahatvaat.h
janma pradvaMsi janma prada garimatayaa divya dR^iShTi prabhaavaat.h.
niShpratyuuha aanR^ishaMsyaat.h niyata rasatayaa nitya sheShitva yogaat.h
aachaaryaH sadbhir.h apratyupakaraNa dhiyaa devavat.h syaadupaasyaH..  2

sad.h bhuddhiH saadhu sevii samuchita charitas.h tatva bodha abhilaaShii
shushR^iShus.h tyakta maanaH praNipatana paraH prashna kaala pratiixaH.
shaanto daanto. anasuuyuH sharaNamupagataH shaastra vishvaasa shaalii
shiShyaH praaptaH pariixaaM kR^itavid.h abhimataM tat.h tvataH shixaNiiyaH..  3

svaadhiinaasheSha sattaa sthiti yatana phalaM viddhi laxmiisha mekaM
praapyaM naanyaM pratiiyaa na cha sharaNatayaa ka~nchidanyaM vR^iNiiyaaH.
etas.h maadeva puMsaaM bhayamitarad.h api prexya mojjhiis.h tada.aj~naaM
itye kaantopadeshaH prathamamiha guroH ekachittena dhaaryaH..   4

moxopaayaar.h hataivaM bhavati bhava bhR^itaaM kasyachit.h kvaa.api kaale.
tadvad.h bhakti prapattyor.h adhi kR^iti niyamas.h taadR^ishaa syaatniyatyaa.
shaktaa shaktaadi tattat.h puruSha viShayataH sthaapyate tad.h vyavasthaa
yachchaahus.h tadvikalpaH sama iti katichit.h tat.h phalasyaa visheShaat.h.. 5

saanukroshe samarthe prapadana mR^iShibhiH smaryate.abhiiShTa siddhyaiH
loke.apye tat.h prasiddhaM na cha vimati riha prexyate kvaapi tantre.
tasmaat.h kaimutya siddhaM bhagavati tu bharanyaasa vidyaanubhaavam.h
dharma stheyaaH cha puurve sva kR^itiShu bahudhaa sthaapayaa~nchakru revaM.. 6

shaastra pramaaNya vedii nanu vidhi viShaye nirvisha~Nko.adhikaarii
vishvaasasya a~Nga bhaave punariha viduShaa kiM mahatvaM prasaadhyam.h.
maivaM ghoraaparaadhairH sapadi guru phale nyaasa maatreNa labhye
sha~Nkaa paarShNi grahaarhaa shamayitum.h uchitaa hetubhis.h tat.h tadarhai.h.. 7

nehaabhikraanti naasho na cha vimatiriha pratyavaayo bhavediti
ultaM kaimutya niityaa prapadana viShaye yojitaM shaastra vidbhiH.
tasmaat.h xetre tadarha suvidita samayair.h deshikaiH samyaguptaM
mantraakhyaM mukti biijaM pariNati vashataH kalpate satphalaaya..  8

nyaasaH proktaH atiriktaM tapa iti kathitaH svadhvaraH chaasya kartaa
ahirbudhanyopi anvavaadiid.h agaNi diviShadaam.h uttamaM guhya metat.h.
saaxaan.h moxaaya chaasau shruta iha tu mudhaa baadha sha~Nkaa guNaaDhye.
tanniShTo hyanya niShThaan.h prabhurati shayituM koTi koTyaM shato.api..  9

naanaa shabdaadi bhedaad.h iti tu kathayataa suutra kaareNa samyak.h
nyaasopaase vibhakte yajana havanavachchhabda bhedaad.h abhaaktaat.h.
aakhyaa ruupaadi bhedaH shruta itarasamaH ki~ncha bhinno.adhikaaraH
shiighra praaptyaadibhiH syaat.h jaguriti cha madhuu paasanaadau vyavasthaam.h.. 10

yat.h ki~nchid.h raxaNiiyaM tadavana nipuNe nyasyato. aki~nchanasya
praspaShTaM loka dR^iShTyaa apyavagamita iha praarthanaad.h a~Nga yogaH.
tasmaat.h karmaa~Nga katvaM vyapanayati paraa pexaNaa bhaava vaadaH
saa~Nge tvaShTaa~Nga yoga vyavahR^iti nayataH ShaDvidhatva upachaaraH..  11

pa~nchaapya~Ngaanya pij~naaH praNijagu ravinaa bhaava paa~nchi prapatteH
kaishchit.h saMbhaavi tatvaM yadiha nigaditaM tat.h prapatti uttaraM syaat.h.
a~NgeSh.h va~Ngitva vaadaH phala kathanamiha dvi tri maantroktayash.h cha
praashastyaM tatra tatra praNi dadhati tataH sarva vaakyaika kaNThyam.h.. 12

raxaa pexaa svasaahya praNayavati bharanyaasa aaj~naadi daxe
dR^iShTaa naa.atra prapatti vyavahR^itir.h iha tanmelane laxaNaM syaat.h.
gehaagatyadi maatre nipatatu sharaNaagati abhikhyaa upachaaraat.h
yadvaa anekaartha bhaavaad.h bhavati cha vividhaH paalaniiyatva hetuH.. 13

aatmaatmiiya svaruupa nyastam.h anugataM yaavadarthaM mumuxoH
tatva j~naanaatmakaM tat.h prathama matha vidheH syaadupaaye sametam.h.
kai~Nkaryaakhye pumarthe apyanuShajati tadapyarthanaa hetu bhaavaat.h
svaa bhiiShTaananya saadhyaa vadhiriha tu bharanyaasa bhaaga a~Ngi bhuutaH.. 14

nyasaadesheShu dharma tyajana vachanataH aki~nchanaadhi kriyoktaa
kaarpaNyam.h vaa.a~NgamuktaM bhajana vadi taraa pexaNaM vaa.apyapoDham.h.
dussaadha echchhaa udyamau vaa kvachid.h upashamitau anya saMmelane vaa
brahmaastra nyaaya uktas.h tadiha na vihato dharma aaj~naadi siddhaH..  15

aadeShTuM sva prapattiM tadanuguNa guNaa dyanvitaM svaM mukundo
maam.h iti uktvaa eka shabdaM vadati taduchitaM tatra taatparyam.h uuhyam.h.
tat.h praapya praapakaikyam.h sakala phaladataaM nyaasato.anyaana pexaam.h
praadhaanyaadyam.h cha ki~nchit.h prathayati sa paraM shriisakhe muktyupaaye 16

svaabhiiShTa praapti hetuH svayamiha puruShaiH sviikR^itaH syaadupaayaH
shaastre loke cha siddhaH sa punarubhayathaa siddha saadhya prabhedaat.h.
siddhopaayas.h tu muktau niravadhika dayaH shrii sakhaH sarva shaktiH
saadhyopaayas.h tu bhaktir.h nyasanamiti pR^ithak.h tadva shiikaara siddhyai.. 17

atyanta aki~nchano ahaM tvadapa charaNataH sannivR^itto.adya naatha
tvat.h sevai kaanta dhiiH syaaM tvamasi sharaNamitya dhyavasyaami gaaDham.h
tvam me gopaayitaa syaas.h tvayi nihita bharaH asmi evam.h iti arpitaatmaa
yasmai sa nyasta bhaaraH sakR^idatha tu sadaa na prayasyet.h tadartham.h.. 18

tyaktvaa upaayaan.h apaayaanapi paramajahan.h madhyamaaM svaarha vR^ittim
praayashchittaM cha yogyaM vigata R^iNa tatiH dvandva vaatyaaM titixuH.
bhakti j~naanaadi vR^iddhim paricharaNa guNaan.h sat.h samR^iddhiM cha yuktaaM
nityaM yaached.h ananyas.h tadapi bhagavatas.h tasya yadva aapta vargaat.h..  19

aaj~naa kai~Nkarya vR^ittiShu anagha gurujana prakriyaa nemi vR^ittiH
svaarhaanuj~naata sevaa vidhiShu cha shakane yaavadiShtaM pravR^ittaH.
karma praarabdha kaaryaM prapadana mahima dhvasta sheShaM dviruupaM
bhuktvaa svaabhiiShTa kaale vishati bhagavataH paada muulaM prapannaH..  20

shrutyaa smR^ityaadibhiH cha svayamiha bhagavad.h vaakya vargaish.h cha siddhaaM
svaatantrye paaratantrye. apyanitara gatibhiH sadbhir.h aasthiiyamaanaam.h
vedaantaachaarya itthaM vividha guru jana grantha saMvaada vatyaa
viMshatyaa nyaasa vidhyaaM vyavR^iNuta sudhiyaaM shreyase ve~NkaTeshaH.. 21

saMsaaraa varta vega prashamana shubhadR^igdeshika prexito.ahaM
saMtyakto.anyair.h upaayair.h anuchita chariteShvadya shaantaabhisandhiH .
niHshaN^kas.h tatva dR^iShTyaa niravadhi kadayaM praarthya saMraxakaM tvaaM
nyasya tvatpaada padme varada nijabharaM nirbharo nirbhayo.asmi ..              22

kavitaarkika siMhaaya kalyaaNa guNashaaline .
shriimate veN^kaTeshaaya vedaanta gurave namaH ..