padmaa pateH stuti padena vipachya maanaM
pashyantviha prapadana pravaNaa mahaantaH.
madvaakya saMvalitam.h api ajahat.h svabhaavam.h
maanyam.h yatiisvara mahaanasa saMpradaayam.h.. 1

nityam.h shriyaa vasu dhayaa cha niShevya maaNam.h
nirvyaaja nirbhara dayaa bharitaM vibhaati.
vedaanta vedyamiha vegavatii samiipe
diipa prakaasha iti daivataM advitiiyam.h..  2

diipas.h tvameva jagataaM dayitaa ruchiste
diirghaM tamaH prati nivartyamidam.h yuvaabhyaam.h.
stavyam.h stava priyamataH sharaNokti vashyam.h
stotum.h bhavantaM abhilaShyati jantu reShaH..  3

padma karaad.h upagataa pariShasvaje tvaam.h
vegaa sarid.h viharaNaa kala shaabdhi kanyaa.
aahustadaa prabhR^iti diipa samaava bhaasam.h
aajaanato marakata pratimaM vapuste..  4

svaamin.h gabhiira subhagaM shrama haari puMsaaM
maadhurya ramyam.h anaghaM maNi bha~Nga dR^ishyam.h
vegaantare vitanute prati bimba shobhaaM
laxmii saraH sarasija aashrayaM a~NgakaM te..  5

aavishya dhaarayasi vishvaM amuShya yantaa
sheShii shriyaH patir.h asheSha tanur.h nidaanam.h.
ityaadi laxaNa gaNaiH puruShottamaM tvaaM
jaanaati yo jagati sarvavid.h eSha giitaH..   6

vishvam.h shubhaashrayavadiisha vapus.h tvadiiyaM
sarvaa girastvayi patanti tato.asi sarvaH.
sarve cha veda vidhayas.h tvadanugra haarthaaH
sarvaadhikas.h tvamiti tatva vidas.h tadaahuH..  7

j~naanam.h balam.h niyamana xamataa.atha viiryam.h
shaktishcha teja iti te guNa ShaTkam.h aadyam.h.
sarvaati shaayini himo pavanesha yasmin.h
antar.h gato jagadiva tvayi sadguNaughaH..  8

diipaavabhaasa dayayaa vidhi puurvametat.h
vishvaM vidhaaya nigamaanapi datta vantam.h.
shiShyaayitaaH sharaNayanti mumuxavastvaam.h
aadyam.h guruM guru paramparayaa adhigamyam.h.. 9

sattaa sthiti prayatana pramukhair.h upaattam.h
svaartham.h sadaiva bhavataa svayameva vishvam.h.
diipa prakaasha tadiha tvad.h avaaptaye tvaam.h
avyaaja siddham.h anapaayam.h upaayam.h aahuH.. 10

bhogyam.h mukunda guNa bhedam.h acheta neShu
bhoktR^itvam.h aatmani niveshya nijachchhayaiva.
paa~nchaalikaa shuka vibhuuShaNa  bhoga daayii
samraaDiva aatma samayaa saha modase tvam.h.. 11

tvaam.h maataram.h cha pitaram.h sahajaM nivaasaM
santaH sametya sharaNaM suhR^idaM gatiM cha.
niH siima nitya niravadya sukha prakaashaM
diipa prakaasha savibhuuti guNaM vishanti..  12

jantor.h amuShya janane vidhi shambhu dR^iShTau
raagaadineva rajasaa tamasaa cha yogaH.
dvaipaayana prabhR^itayas.h tvadavexi taanaaM
satvam.h vimukti niyataM bhavati iti ushanti..  13

karmasvanaadi viShameShu samo dayaaluH
svenaiva kluptam.h apadeshaM avexa maaNaH.
svapraaptaye tanubhR^itaaM tvarase mukunda
svaabhivikam.h tava suhR^itvam.h idam.h gR^iNanti.. 14

nidraayitaan.h nigama vartmani chaaru darshii
prasthaana shakti rahitaan.h prati bodhya jantuun.h.
jiirNa stanandhaya jaDaandha mukhaa nivaasmaan.h
netuM mukunda yatase dayayaa saha tvam.h..  15

bhaktiH prapattir.h athavaa bhagavan.h taduktiH
tanniShTha saMshraya itiiva vikalpya maanam.h.
yaM ka~nchidekaM upapaada yataa tvayaiva
traataas.h taranti avasare bhavino bhavaabdhim.h  16

naanaa vidhair.h akapaTair.h ajahat.h svaabhaavaiH
apraakR^itair.h nija vihaara vashena siddhaiH.
aatmiiya raxaNa vipaxa vinaashanaarthaiH
saMsthaapayasi anagha janmabhir.h aadya dharmam.h.. 17

nimnon.h nataani nikhilaani padaani gaaDham.h
majjanti te mahima saagara shiikareShu.
niirandram.h aashrayasi niicha janaan.h tathaa.api
shiilena hanta shishiropavana iishvara tvam.h..  18

kaashii vR^ikaandhaka sharaasana baaNa ga~Ngaa
saMbhuuti naama kR^iti saMvadana aadi udantaiH.
svokti ambariiSha bhaya shaapa mukhaishcha shambhuM
tvannighnaM iixitavataam.h iha kaH sharaNyaH..  19

kvaasau vibhuH kva vayam.h iti upasatti bhiitaan.h
jantuun.h xaNaat.h tvad.h anuvR^ittiShu yogya yantii.
saMpraapta sadguru tanoH samaye dayaaloH
aatmaavadhir.h bhavati saMskR^ita dhiiH xaNaM te..  20

yogyaM yamaishcha niyamaishcha vidhaaya chittam.h
santo jitaa sanatayaa svavashaasu vargaaH.
pratyaa hR^itendriya gaNaaH sthira dhaaraNaastvaaM
dhyaatvaa samaadhi yugalena vilokayanti..  21

padmaabhiraama vadanexaNa paaNi paadam.h
divyaayu dhaabharaNa maalya vilepanaM tvaam.h.
yogena naatha shubhaM aashrayam.h aatma vantaH
saalambanena parichintya na yaanti tR^iptim.h..  22

maanaati la~Nghi sukha bodha mahaamburaashau
magnaas.h trisiima vahite bhavataH svaruupe.
taapa trayeNa vihatiM na bhajanti bhuuyaH
saMsaara gharma janitena samaadhimantaH..  23

dhii saMskR^itaan.h vidadhataam.h iha karma bhedaan.h
shuddaM jite manasi chintayataaM svamekam.h.
tvatkarma sakta manasaam.h api chaapareShaaM
suute phalaani abhimataani bhavaan.h prasannaH.. 24

udbaahu bhaavamapahaaya yathaiva kharvaH
praaMshum phalaarthaM abhiyaachati yogi chintya.
evam.h suduShkaram.h upaaya gaNaaM vihaaya
sthaane niveshayati tasya vichaxaNaH tvaam.h..  25

nityaalasaarham.h abhayaM nirapexam.h anyaiH
vishvaadhikaaraM akhilaabhimata prasuutim.h.
shixaa visheSha shubhagaM vyavasaaya siddhaaH
satkurvate tvayi mukunda ShaDa~Nga yogam.h..  26

tvat.h praatikuulya vimukhaaH sphurad.h aanukuulyaaH
kR^itvaa punaH kR^ipaNataam.h vigataati sha~NkaaH.
svaamin.h bhava svayaM upaaya itiirayantaH
tvayi arpayanti nija bhaaraM apaara shaktau..  27

arthaantareShu vimukhaan.h adhikaara haaneH
shraddhaadhanaan.h tvad.h anubhuuti vilamba bhiitaan.h.
diipa prakaasha labhase suchiraat.h kR^itiiva
nyastaatmanastava pade nibhR^itaan.h prapannaan.h.. 28

mantrair.h anushrava mukheShvadhi gamya maanaiH
svaathi kriyaa samuchitairyadi vaa.anya vaakhyaiH.
naatha tvadiiya charaNau sharaNaM gataanaaM
naivaayutaayuta kalaa.apyaparair.h avaapyaa..29

dattaaH prajaa janakavat.h tava deshikendraiH
patyaa.abhinandya bhavataa pariNiiya maanaaH.
madhye sataaM mahita bhoga visheSha siddhyaiH
maa~Ngalya suutramiva bibhrati ki~Nkaratvam.h..  30

divye pade niyata ki~Nkarataadhi raajyam.h
daatuM tvadiiya dayayaa vihitaabhiShekaaH.
aadeha paatam.h anaghaaH paricharyayaa te
yu~njaana chintya yuva raaja padaM bhajanti..  31

tvaaM paa~ncharaatrika nayena pR^ithag.h vidhena
vaikhaanasena cha pathaa niyataadhi kaaraaH
saMj~naa visheSha niyamena samarchayantaH
priityaa nayanti phalavanti dinaani dhanyaaH..  32

varNaashram.h aadi niyata krama suutra baddhaa
bhaktyaa yathaarha viniveshita patra puShpaa
maaleva kaala vihitaa hR^idaya~Ngamaa tvaam.h
aamodayati anuparaaga dhiyaaM saparyaa..  33

brahmaa girisha itare.apyamaraa ya ete
nirdhuuya taan.h niraya tulya phala prasuutiin.h.
praaptuM tavaiva pada padma yugaM pratiitaaH
paativratiiM tvayi vahanti paraavaraj~naaH..  34

naatha tvadiShTa viniyoga visheSha siddhaM
sheShatva saaram.h anapexya nijaM guNaj~naaH.
bhakteShu te vara guNaarNava paara tantryaat.h
daasyaM bhajanti vipaNi vyavahaara yogyam.h..  35

sadbhis.h tvadeka sharaNair.h niyataM sanaathaaH
sarpaadivat.h tvad.h aparaadhiShu duura yaataaH.
dhiiraas.h tR^iNiikR^ita viri~ncha purandaraadyaaH
kaalaM xipanti bhagavan.h karaNair.h avandhyaiH..  36

vaagaadikaM manasi tat.h pavane sa jiive
bhuuteShvayaM punarasau tvayi taiH sameti.
saadhaaraNot.h kramaNa karma samaashritaanaaM
yantraa mukunda bhavataiva yathaa yamaadheH.. 37

savyaanyayor.h ayanayor.h nishi vaasare vaa
sa~Nkalpitaayur.h avadhiin.h sapadi prapannaan.h.
haardaH svayaM nija pade viniveshayiShyan.h
naaDiiM praveshayasi naatha shataadhikaaM tvam.h.. 38

archir.h dinaM vishada paxa udak prayaaNam.h
saMvatsaro maruda shiitakaraH shashaa~NkaH.
saudaamanii jalapatir.h valajit.h prajeshaH
ityaati vaahika sakho nayasi svakiiyaan.h..  39

tvachchheSha vR^iti anuguNair.h mahitair.h guNaughaiH
aavirbhavatya yata siddha nija svaruupe.
tvallaxaNeShu niyateShvapi bhoga maatre
saamyaM bhajanti paramaM bhavataa vimuktaaH.. 40

itthaM tvadeka sharaNair.h anaghaira vaapye
tvat.h ki~Nkaratva vibhave spR^ihayaa aparaadhyan.h
aatmaa mameti bhagavan.h bhavataiva giitaa
vaacho niriixya bharaNiiya iha tvayaa.aham.h..  41

padmaa mahii prabhR^itibhiH paribhukta bhuumnaH
kaa haaniratra mayi bhoktari te bhavitrii.
duShyet.h kima~Nghri taTinii tava deva sevyaa
durvaara tarSha chapalena shunaa.avaliiDhaa..  42

sattvaani naatha vividhaani abhi sa~njighR^ixoH
saMsaara naaTya rasikasya tavaastu tR^iptyai.
pratyak.h paraa~Nmukha mater.h asamiixya kartuH
praachiina sajjana viDambana bhuumikaa me..  43

kartavyam.h iti anukalam.h kalayaami kR^ityam.h
svaamin.h na kR^ityamiti kR^ityamapi tyajaami.
anyad.h vyatikramaNa jaataM anantam artha-
sthaane dayaa bhavatu te mayi saarva bhaumii..  44

yam puurvam.h aashrita janeShu bhavaan.h yathaavat.h
dharmam.h paraM praNijagau svayam.h aanR^ishamsyam.h.
saMsmaaritas.h tadasi tasya sharaNya bhaavaat.h
naatha tvamaatma samayaa nanu maadR^ishaartham.h.. 45

traaNaM bhaveti sakR^id.h ukti samudya taanaam.h
taistair.h asahya vR^ijinair.h udaraM bhariste.
satyaapitaa shatamakhaatmaja sha~Nkaraadau
naatha xamaa na khalu jantuShu madvivarjam.h.. 46

karmaadiShu triShu kathaaM kathamapi ajaanan.h
kaamaadi meduratayaa kaluSha pravR^ittiH.
saaketa saMbhava charaachara jantu niityaa
viixyaH prabho viShaya vaasitayaa apyahaM te..  47

brahmaaNDa laxa shata koTi gaNaan.h anantaan.h
eka xaNe viparivartya vilajjamaanaam.h.
matpaapa raashi mathane madhu darpa hantriim.h
shaktiM niyu~Nxva sharaNaagata vatsala tvam.h..  48

aastaaM prapattir.h iha deshika saaxikaa me
siddhaa taduktir.h anaghaa tvadapexi taarthaa
nyastasya puurva nipuNais.h tvayi nanvidaaniiM
puurNe mukunda punarukta upaaya eShaH..  49

yadvaa madartha parichinta nayaa tavaalaM
saMj~naaM prapanna iti saahasiko bibharmi.
evam.h sthite tvadpavaada nivR^ittaye maaM
paatrii kuruShva bhagavan.h bhavataH kR^ipaayaaH.. 50

tyaage guNesha sharaNaagata saMj~nino me
styaanaagaso.api sahasaiva parigrahe vaa.
kiM naama kutra bhavatiiti kR^ipaadibhiste
guuDhaM niruupaya guNetara taara tamyam.h..  51

svaamii dayaa jalanidhir.h madhuraH xamaavaan.h
shiilaadhikaH shrita vashaH shuchir.h atyudaaraH.
etaani haatu managho na kilaarhasi tvam.h
vikhyaati manti birudaani mayaa sahaiva..  52

velaa dhana~njaya rathaadiShu vaachikaiH svaiH
aaghoShitaam.h akhila jantu sharaNyataaM te.
jaanan.h dashaanana shataad.h adhikaagaso.api
pashyaami dattam.h abhayaM svakR^ite tvayaa me.. 53

raxayas.h tvayaa tava bharo.asm.h yahamit.h yapuurvaan.h
varNaanimaa na hR^idayaanapi vaachayitvaa.
maddoSha nirjita guNo mahiShii samaxaM
maa bhuustva danya iva mogha parishramastvam.h.. 54

mukhyaM cha yat.h prapadanaM svayameva saadhyaM
daatavya miisha kR^ipayaa tadapi tvaiyaiva.
tanme bhavach charaNa sa~NgavatiiM avasthaaM
pashyan upaaya phalayor.h uchitaM vidheyaaH..  55

alpaasthirair.h asikakair.h asukhaa vasaanaiH
duHkhaan.h vitair.h anuchitair.h abhimaana muulaiH.
pratyak paraaganubhavaiH parighuurNitam.h maaM
tvayyeva naatha charitaarthaya nirvivixum.h..  56

tattvaava bodha shamita pratikuula vR^ittiM
kai~Nkarya labdha karaNa traya saamarasyam.h.
kR^itvaa tvadanya vimukhaM kR^ipayaa svayaM maaM
sphaatiM dR^ishoH pratilabhasva jagajjananyaaH..  57

itthaM stuti prabR^itayo yadi saMmataaH syuH
yadvaaparaadha padaviiShu abhi saMvishanti.
stokaanukuulya kaNikaa vasha vartinaste
priiti xamaa prasarayor ahaM asmi laxyam.h..  58

snehopapanna viShayaH sva dashaa visheShaat.h
bhuuyastamisra shaminiiM bhuvi ve~NkaTeshaH.
divyaaM stutiM niramimiita sataaM niyogaat.h
diipa prakaasha sharaNagati diipikaakhyaam.h..  59

kavitaarkika siMhaaya kalyaaNa guNashaaline .
shriimate veN^kaTeshaaya vedaanta gurave namaH ..