yaH stutiM yatipati prasaadiniiM
vyaajahaara yatiraaja viMshatiM.
taM prapanna jana chaatakaambudam.h
naumi saumya vara yogi pu~Ngavam.h

shrii maadhavaa~Nghri jalajad.h vaya nitya sevaa
premaa vilaashaya paraa~Nkusha paada bhaktam.h.
kaamaadi doSha haramaatma padaashritaanaam.h
raamaanujam.h yatipatiM praNamaami muurdhnaa..1

shrii ra~Nga raaja charaNaambuja raaja hamsam.h
shriimat.h paraa~Nkusha paadaambuja bhR^i~Nga raajam.h.
shrii bhaTTa naatha parakaala mukhaabja mitram.h
shrii vatsa chihna sharaNaM yatiraaja miiDe..2

vaachaa yatiindra manasaa vapuShaa cha yuShmat.h
paadaara vinda yugaLaM bhajataaM guruuNaam.h.
kuuraadhi naatha kurukesha mukhaatya pumsaam.h
paadaanu chintana paraH satataM bhaveyam.h..3

nityam.h yatiindra tava divya vapuH smR^itau me
saktaM mano bhavatu vaak guNa kiirtane.asau.
kR^itya~ncha daasya karaNe tu karadvayasya
vR^ittyantare astu vimukhaM karaNatraya~ncha..4

aShTaaxaraakhyaM anuraaja padatrayaartha
niShThaaM mamaatra vitaraadya yatiindra naatha.
shiShTaagra gaNya jana sevya bhavat.h padaabje
hR^iShTaa.astu nityaM anubhuuya mamaasya bhuddhiH..5

alpaa.api me na bhavadiiya padaabja bhaktiH
shabdaadi bhoga ruchiranvaha medhate haa.
mat.h paapameva hi nidaanamamuShya naanyat.h
tadvaara yaarya yatiraaja dayaika sindho..6

vR^ittyaa pashur.h naravapus.h tvahamiidru sho.api
shR^ityaadi siddha nikhilamaatma guNaashrayo.ayam.h.
ityaadareNa kR^itino.api mithaH pravaktum
adyaapi va~nchanaparotra yatiindra varte..7

dhHkhaa vaho.ahaM anishaM tava duShTacheShTaH
shabdaadi bhoga niratash.h sharaNaagataakhyaH.
tvatpaada bhakta iva shiShTa janaugha madhye
mithyaa charaami yatiraaja tato.asmi muurkhaH..8

niyatam.h tvahaM paribhavaami gurum.h cha mantram.h
tadde vataamapi na ki~nchidahobi bhemi.
itthaM shaTho.apya shaThavat.h bhavadiiya sa~Nghe
hR^iShTashcharaami yatiraaja tato.asmi muurkhaH..9

haa hanta hanta manasaa kriyayaa cha vaachaa
yohaM charaami satataM trividhaapachaaraan.h.
so.ahaM tavaa priyakaraH priya kR^idva deva
kaalaM nayaami yatiraaja tato.asmi muurkhaH..10

paape kR^ite yadi bhavanti bhayaanu taapa
lajjaaH punaH karaNamasya katham.h ghaTeta.
mohena me na bhavatiiha bhayaadi leshaH
tasmaat.h punaH punaragham.h yatiraaja kurve..11

antar.h bahis.h sakala vastuShu santamiisham.h
andhaH puras.h sthitamivaahama viixamaaNa.
kandarpavashya hR^idayas.h satataM bhavaami
hantaH tvadagragaM anasya yatiindra naarhaH..12

taapatrayii janita duHkha nipaatino.api
dehasthitau mama ruchistu na tanni vR^ittau.
etasya kaaraNamaho mama paapameva
naatha tvameva hara tad.h yatiraaja shiighram.h..13

vaachaama gochara mahaa guNa deshikaagrya
kuuraadhi naatha kathitaakhila naichya paatram.h.
eSho.ahameva na punarjagatii dR^ishas.h tat.h
raamaanujaarya karuNaiva tu madgatiste..14

shuddhaatma yaamuna guruuttama kuura naatha
bhaTTaakhya deshika varokta samasta naichyam.h.
adhyaa stya sa~Nkuchita meva mayiiha loke
tasmaad.h yatiindra karuNaiva tu madgatiste..15

shabdaadi bhoga viShayaa ruchiras.h madiiyaa
naShTaa bhavatviha bhavad.h dayayaa yatiindra.
tvad.h daasa daasa gaNanaa charamaavadhau yaH
tad.h daasataikara sataa.avirataa mamaastu..16

shrutyagra vedya nija divya guNa svaruupaH
pratyaxataaM upagatas.h tviha ra~Nga raajaH.
vashyas.h sadaa bhavati te yatiraaja tasmaat.h
shaktas.h svakiiya jana paapa vimochane tvam.h..17

kaalatraye.api karaNatraya niramitaati
paapa kriyasya sharaNam.h bhagavat.h xamaiva.
saa cha tvayaiva kamalaa ramaNe.arthitaa yat.h
xemassa eva hi yatiindra bhavachchhritaanaam.h..18

shriiman.h yatiindra tava divya padaabja sevaam.h
shrii shaila naatha karuNaa pariNaama dattaaM.
taamanvaham.h mama vivardhaya naatha tasyaa
kaamaM viruddhaM akhilaM cha nivartaya tvam.h..19

vij~naapanaM yadidamadya tu maamakiinam.h
a~Ngii kuruShva yatiraaja dayaamburaashe.
aj~no.ayamaatma guNalesha vivarjitashcha
tasmaad.h ananya sharaNo bhava tiiti matvaa..20

iti yati kula dhuryamedha maanaiH
shruti madhurair.h uditaiH praharShayantam.h.
vara vara muni meva chintayantii
matiriya meti niratyayam.h prasaadam.h.. 21