AUM shrii paramaatmane namaH

  shriimad.h bhagavad.h giitaa

atha trayodasho.adhyaayaH.  (kshetrakshetraGYavibhaagayogaH)

Transliteration

        arjuna uvaacha .

prakR^itiM purushha.n chaiva kshetra.n kshetraGYameva cha .
etadveditumich{}chhaami GYaanaM GYeya.n cha keshava .. 13\.1..

        shriibhagavaanuvaacha .

idaM shariiraM kaunteya kshetramityabhidhiiyate .
etadyo vetti taM praahuH kshetraGYa iti tadvidaH .. 13\.2..

kshetraGYa.n chaapi maaM viddhi sarvakshetreshhu bhaarata .
kshetrakshetraGYayorGYaanaM yattajGYaanaM mataM mama .. 13\.3..

tatkshetra.n yach{}cha yaadR^ikcha yadvikaari yatashcha yat.h .
sa cha yo yatprabhaavashcha tatsamaasena me shR^iNu .. 13\.4..

R^ishhibhirbahudhaa giita.n chhandobhirvividhaiH pR^ithak.h .
brahmasuutrapadaishchaiva hetumadbhirvinishchitaiH .. 13\.5..

mahaabhuutaanyaha.nkaaro buddhiravyak{}tameva cha .
indriyaaNi dashaika.n cha pa.ncha chendriyagocharaaH .. 13\.6..

ich{}chhaa dveshhaH sukhaM duHkhaM sa.nghaatashchetanaa dhR^itiH .
etatkshetra.n samaasena savikaaramudaahR^itam.h .. 13\.7..

amaanitvamadambhitvamahi.nsaa kshaantiraarjavam.h .
aachaaryopaasanaM shauchaM sthairyamaatmavinigrahaH .. 13\.8..

indriyaartheshhu vairaagyamanaha.nkaara eva cha .
janmamR^ityujaraavyaadhiduHkhadoshhaanudarshanam.h .. 13\.9..

asak{}tiranabhishhvaN^gaH putradaaragR^ihaadishhu .
nitya.n cha samachittatvamishhTaanishhTopapattishhu .. 13\.10..

mayi chaananyayogena bhak{}tiravyabhichaariNii .
vivik{}tadeshasevitvamaratirjanasa.nsadi .. 13\.11..

adhyaatmaGYaananityatva.n tattvaGYaanaarthadarshanam.h .
etajGYaanamiti prok{}tamaGYaanaM yadato.anyathaa .. 13\.12..

GYeyaM yattatpravakshyaami yajGYaatvaa.amR^itamashnute .
anaadimatparaM brahma na sattannaasaduchyate .. 13\.13..

sarvataH paaNipaadaM tatsarvato.akshishiromukham.h .
sarvataH shrutimal{}loke sarvamaavR^itya tishhThati .. 13\.14..

sarvendriyaguNaabhaasaM sarvendriyavivarjitam.h .
asak{}ta.n sarvabhR^ich{}chaiva nirguNaM guNabhok{}tR^i cha .. 13\.15..

bahirantashcha bhuutaanaamachara.n charameva cha .
suukshmatvaattadaviGYeyaM duurastha.n chaantike cha tat.h .. 13\.16..

avibhak{}ta.n cha bhuuteshhu vibhak{}tamiva cha sthitam.h .
bhuutabhartR^i cha tajGYeyaM grasishhNu prabhavishhNu cha .. 13\.17..

jyotishhaamapi taj{}jyotistamasaH paramuchyate .
GYaanaM GYeyaM GYaanagamya.n hR^idi sarvasya vishhThitam.h .. 13\.18..

iti kshetra.n tathaa GYaanaM GYeya.n chok{}ta.n sanaasataH .
madbhak{}ta etadviGYaaya madbhaavaayopapadyate .. 13\.19..

prakR^itiM purushha.n chaiva vidyanaadi ubhaavapi .
vikaaraa.nshcha guNaa.nshchaiva viddhi prakR^itisaMbhavaan.h .. 13\.20..

kaaryakaaraNakartR^itve hetuH prakR^itiruchyate .
purushhaH sukhaduHkhaanaaM bhok{}tR^itve heturuchyate .. 13\.21..

purushhaH prakR^itistho hi bhuN^.hk{}te prakR^itijaanguNaan.h .
kaaraNaM guNasaN^go.asya sadasadyonijanmasu .. 13\.22..

upadrashhTaanumantaa cha bhartaa bhok{}taa maheshvaraH .
paramaatmeti chaapyuk{}to dehe.asminpurushhaH paraH .. 13\.23..

ya evaM vetti purushhaM prakR^iti.n cha guNaiH saha .
sarvathaa vartamaano.api na sa bhuuyo.abhijaayate .. 13\.24..

dhyaanenaatmani pashyanti kechidaatmaanamaatmanaa .
anye saaN^khyena yogena karmayogena chaapare .. 13\.25..

anye tvevamajaanantaH shrutvaanyebhya upaasate .
te.api chaatitarantyeva mR^ityu.n shrutiparaayaNaaH .. 13\.26..

yaavatsa.njaayate ki.nchitsattvaM sthaavarajaN^gamam.h .
kshetrakshetraGYasa.nyogaattadviddhi bharatarshhabha .. 13\.27..

samaM sarveshhu bhuuteshhu tishhThantaM parameshvaram.h
vinashyatsvavinashyanta.n yaH pashyati sa pashyati .. 13\.28..

samaM pashyanhi sarvatra samavasthitamiishvaram.h .
na hinastyaatmanaatmaanaM tato yaati paraaM gatim.h .. 13\.29..

prakR^ityaiva cha karmaaNi kriyamaaNaani sarvashaH .
yaH pashyati tathaatmaanamakartaaraM sa pashyati .. 13\.30..

yadaa bhuutapR^ithagbhaavamekasthamanupashyati .
tata eva cha vistaaraM brahma saMpadyate tadaa .. 13\.31..

anaaditvaannirguNatvaatparamaatmaayamavyayaH .
shariirastho.api kaunteya na karoti na lipyate .. 13\.32..

yathaa sarvagataM saukshmyaadaakaashaM nopalipyate .
sarvatraavasthito dehe tathaatmaa nopalipyate .. 13\.33..

yathaa prakaashayatyekaH kR^its{}na.n lokamimaM raviH .
kshetra.n kshetrii tathaa kR^its{}naM prakaashayati bhaarata .. 13\.34..

kshetrakshetraGYayorevamantaraM GYaanachakshushhaa .
bhuutaprakR^itimoksha.n cha ye viduryaanti te param.h .. 13\.35..
 

AUM tatsaditi shriimad.h bhagavad.hgiitaasuupanishhatsu
brahmavidyaayaa.n yogashaastre shriikR^ishhNaarjunasa.nvaade
kshetrakshetraGYavibhaagayogo naama trayodasho.adhyaayaH .. 13..
 
 


Transliteration Preface Home