atha pa.nchadasho.adhyaayaH.  (purushhottamayogaH)

Transliteration

uurdhvamuulamadhaHshaakhamashvatthaM praahuravyayam.h .
chhandaa.nsi yasya parNaani yasta.n veda sa vedavit.h .. 15\.1..

adhashchordhvaM prasR^itaastasya shaakhaa
        guNapravR^iddhaa vishhayapravaalaaH .
adhashcha muulaanyanusa.ntataani
        karmaanubandhiini manushhyaloke .. 15\.2..

na ruupamasyeha tathopalabhyate
        naanto na chaadirna cha saMpratishhThaa .
ashvatthamenaM suviruuDhamuulaM
        asaN^gashastreNa dR^iDhena chhittvaa .. 15\.3..

tataH padaM tatparimaargitavyaM
        yasmingataa na nivartanti bhuuyaH .
tameva chaadyaM purushhaM prapadye .
        yataH pravR^ittiH prasR^itaa puraaNii .. 15\.4..

nirmaanamohaa jitasaN^gadoshhaa
        adhyaatmanityaa vinivR^ittakaamaaH .
dvandvairvimuk{}taaH sukhaduHkhasa.nGYaiH
        gach{}chhantyamuuDhaaH padamavyayaM tat.h .. 15\.5..

na tadbhaasayate suuryo na shashaaN^ko na paavakaH .
yadgatvaa na nivarta.nte taddhaama paramaM mama .. 15\.6..

mamaivaa.nsho jiivaloke jiivabhuutaH sanaatanaH .
manaHshhashhThaaniindriyaaNi prakR^itisthaani karshhati .. 15\.7..

shariira.n yadavaap{}noti yach{}chaapyutkraamatiishvaraH .
gR^ihitvaitaani sa.nyaati vaayurga.ndhaanivaashayaat.h .. 15\.8..

shrotra.n chakshuH sparshana.n cha rasanaM ghraaNameva cha .
adhishhThaaya manashchaayaM vishhayaanupasevate .. 15\.9..

utkraamantaM sthitaM vaa.api bhu.njaanaM vaa guNaanvitam.h .
vimuuDhaa naanupashyanti pashyanti GYaanachakshushhaH .. 15\.10..

yatanto yoginashchainaM pashyantyaatmanyavasthitam.h .
yatanto.apyakR^itaatmaano nainaM pashya.ntyachetasaH .. 15\.11..

yadaadityagataM tejo jagadbhaasayate.akhilam.h .
yach{}chandramasi yach{}chaagnau tattejo viddhi maamakam.h .. 15\.12..

gaamaavishya cha bhuutaani dhaarayaamyahamojasaa .
pushhNaami chaushhadhiiH sarvaaH somo bhuutvaa rasaatmakaH .. 15\.13..

aha.n vaishvaanaro bhuutvaa praaNinaa.n dehamaashritaH .
praaNaapaanasamaayuk{}taH pachaamyanna.n chaturvidham.h .. 15\.14..

sarvasya chaahaM hR^idi sannivishhTo
        mattaH smR^itirGYaanamapohana.ncha .
vedaishcha sarvairahameva vedyo
        vedaantakR^idvedavideva chaaham.h .. 15\.15..

dvaavimau purushhau loke ksharashchaakshara eva cha .
ksharaH sarvaaNi bhuutaani kuuTastho.akshara uchyate .. 15\.16..

uttamaH purushhastvanyaH paramaatmetyudhaahR^itaH .
yo lokatrayamaavishya bibhartyavyaya iishvaraH .. 15\.17..

yasmaatksharamatiito.ahamaksharaadapi chottamaH .
ato.asmi loke vedecha prathitaH purushhottamaH .. 15\.18..

yo maamevamasaMmuuDho jaanaatipurushhottamam.h .
sa sarvavidbhajati maaM sarvabhaavena bhaarata .. 15\.19..

iti guhyatamaM shaastramidamuk{}taM mayaa.anagha .
etatbuddhvaa buddhimaansyaatkR^itakR^ityashcha bhaarata .. 15\.20..
 

AUM tatsaditi shriimad.h bhagavad.hgiitaasuupanishhatsu
brahmavidyaayaa.n yogashaastre shriikR^ishhNaarjuna sa.nvaade
purushhottamayogo naama pa.nchadasho.adhyaayaH .. 15..