arjuna uvaacha .

sa.nnyaasaM karmaNaa.n kR^ishhNa punaryoga.n cha sha.nsasi .
yach{}chhreya etayorekaM tanme bruuhi sunishchitam.h .. 5\.1..

shriibhagavaanuvaacha .

sa.nnyaasaH karmayogashcha niHshreyasakaraavubhau .
tayostu karmasa.nnyaasaatkarmayogo vishishhyate .. 5\.2..

GYeyaH sa nityasa.nnyaasii yo na dveshhTi na kaaN^kshati .
nirdvandvo hi mahaabaaho sukhaM bandhaatpramuchyate .. 5\.3..

saaN^khyayogau pR^ithagbaalaaH pravadanti na paNDitaaH .
ekamapyaasthitaH samyagubhayorvindate phalam.h .. 5\.4..

yatsaaN^khyaiH praapyate sthaanaM tadyogairapi gamyate .
ekaM saaN^khya.n cha yoga.n cha yaH pashyati sa pashyati .. 5\.5..

sa.nnyaasastu mahaabaaho duHkhamaap{}tumayogataH .
yogayuk{}to munirbrahma nachireNaadhigach{}chhati .. 5\.6..

yogayuk{}to vishuddhaatmaa vijitaatmaa jitendriyaH .
sarvabhuutaatmabhuutaatmaa kurvannapi na lipyate .. 5\.7..

naiva ki.nchitkaromiiti yuk{}to manyeta tattvavit.h .
pashyaJNshruNvanspR^ishaJN{}jighrannashna.ngach{}chhansvapanshvasan.h .. 5\.8..

pralapanvisR^ijangR^ihNannunmishhannimishhannapi .
indriyaaNiindriyaartheshhu vartanta iti dhaarayan.h .. 5\.9..

brahmaNyaadhaaya karmaaNi saN^ga.n tyak{}tvaa karoti yaH .
lipyate na sa paapena padmapatramivaambhasaa .. 5\.10..

kaayena manasaa bud.hdhyaa kevalairindriyairapi .
yoginaH karma kurvanti saN^ga.n tyak{}tvaatmashuddhaye .. 5\.11..

yuk{}taHkarmaphalaM tyak{}tvaa shaantimaap{}noti naishhThikiim.h .
ayuk{}taH kaamakaareNa phale sak{}to nibadhyate .. 5\.12..

sarvakarmaaNi manasaa sa.nnyasyaaste sukhaM vashii .
navadvaare pure dehii naiva kurvanna kaarayan.h .. 5\.13..

na kartR^itva.n na karmaaNi lokasya sR^ijati prabhuH .
na karmaphalasa.nyogaM svabhaavastu pravartate .. 5\.14..

naadatte kasyachitpaapaM na chaiva sukR^itaM vibhuH .
aGYaanenaavR^itaM GYaanaM tena muhyanti jantavaH .. 5\.15..

GYaanena tu tadaGYaanaM yeshhaa.n naashitamaatmanaH .
teshhaamaadityavajGYaanaM prakaashayati tatparam.h .. 5\.16..

tad.hbuddhayastadaatmaanastannishhThaastatparaayaNaaH .
gach{}chhantyapunaraavR^itti.n GYaananirdhuutakalmashhaaH .. 5\.17..

vidyaavinayasaMpanne braahmaNe gavi hastini .
shuni chaiva shvapaake cha paNDitaaH samadarshinaH .. 5\.18..

ihaiva tairjitaH sargo yeshhaa.n saamye sthitaM manaH .
nirdoshhaM hi samaM brahma tasmaad.h brahmaNi te sthitaaH .. 5\.19..

na prahR^ishhyetpriyaM praapya nodvijetpraapya chaapriyam.h .
sthirabuddhirasaMmuuDho brahmavid.h brahmaNi sthitaH .. 5\.20..

baahyasparsheshhvasak{}taatmaa vindatyaatmani yatsukham.h .
sa brahmayogayuk{}taatmaa sukhamakshayamashnute .. 5\.21..

ye hi sa.nsparshajaa bhogaa duHkhayonaya eva te .
aadyantavantaH kaunteya na teshhu ramate budhaH .. 5\.22..

shak{}notiihaiva yaH soDhuM praak{}shariiravimokshaNaat.h .
kaamakrodhodbhavaM vegaM sa yuk{}taH sa sukhii naraH .. 5\.23..

yo.antaHsukho.antaraaraamastathaantarjyotireva yaH .
sa yogii brahmanirvaaNaM brahmabhuuto.adhigach{}chhati .. 5\.24..

labhante brahmanirvaaNamR^ishhayaH kshiiNakalmashhaaH .
chhinnadvaidhaa yataatmaanaH sarvabhuutahite rataaH .. 5\.25..

kaamakrodhaviyuk{}taanaa.n yatiinaa.n yatachetasaam.h .
abhito brahmanirvaaNaM vartate viditaatmanaam.h .. 5\.26..

sparshaankR^itvaa bahirbaahyaa.nshchakshushchaivaantare bhruvoH .
praaNaapaanau samau kR^itvaa naasaabhyantarachaariNau .. 5\.27..

yatendriyamanobuddhirmunirmokshaparaayaNaH .
vigatech{}chhaabhayakrodho yaH sadaa muk{}ta eva saH .. 5\.28..

bhok{}taaraM yaGYatapasaa.n sarvalokamaheshvaram.h .
suhR^idaM sarvabhuutaanaa.n GYaatvaa maa.n shaantimR^ich{}chhati .. 5\.29..
 

AUM tatsaditi shriimad.h bhagavad.hgiitaasuupanishhatsu
brahmavidyaayaa.n yogashaastre shriikR^ishhNaarjunasa.nvaade
sa.nnyaasayogo naama pa.nchamo.adhyaayaH .. 5..