shriibhagavaanuvaacha .

anaashritaH karmaphalaM kaarya.n karma karoti yaH .
sa sa.nnyaasii cha yogii cha na niragnirna chaakriyaH .. 6\.1..

yaM sa.nnyaasamiti praahuryogaM taM viddhi paaNDava .
na hyasa.nnyastasaN^kal{}po yogii bhavati kashchana .. 6\.2..

aarurukshormuneryogaM karma kaaraNamuchyate .
yogaaruuDhasya tasyaiva shamaH kaaraNamuchyate .. 6\.3..

yadaa hi nendriyaartheshhu na karmasvanushhaj{}jate .
sarvasaN^kal{}pasa.nnyaasii yogaaruuDhastadochyate .. 6\.4..

uddharedaatmanaatmaanaM naatmaanamavasaadayet.h .
aatmaiva hyaatmano bandhuraatmaiva ripuraatmanaH .. 6\.5..

bandhuraatmaatmanastasya yenaatmaivaatmanaa jitaH .
anaatmanastu shatrutve vartetaatmaiva shatruvat.h .. 6\.6..

jitaatmanaH prashaantasya paramaatmaa samaahitaH .
shiitoshhNasukhaduHkheshhu tathaa maanaapamaanayoH .. 6\.7..

GYaanaviGYaanatR^ip{}taatmaa kuuTastho vijitendriyaH .
yuk{}ta ityuchyate yogii samaloshhTaashmakaa.nchanaH .. 6\.8..

suhR^inmitraaryudaasiinamadhyasthadveshhyabandhushhu .
saadhushhvapi cha paapeshhu samabuddhirvishishhyate .. 6\.9..

yogii yuJN{}jiita satatamaatmaanaM rahasi sthitaH .
ekaakii yatachittaatmaa niraashiiraparigrahaH .. 6\.10..

shuchau deshe pratishhThaapya sthiramaasanamaatmanaH .
naatyuch{}chhritaM naatiniicha.n chailaajinakushottaram.h .. 6\.11..

tatraikaagraM manaH kR^itvaa yatachittendriyakriyaaH .
upavishyaasane yuJN{}jyaadyogamaatmavishuddhaye .. 6\.12..

samaM kaayashirogriivaM dhaarayannachalaM sthiraH .
saMprekshya naasikaagraM svaM dishashchaanavalokayan.h .. 6\.13..

prashaantaatmaa vigatabhiirbrahmachaarivrate sthitaH .
manaH sa.nyamya mach{}chitto yuk{}ta aasiita matparaH .. 6\.14..

yuJN{}jannevaM sadaatmaanaM yogii niyatamaanasaH .
shaanti.n nirvaaNaparamaaM matsa.nsthaamadhigach{}chhati .. 6\.15..

naatyashnatastu yogo.asti na chaikaantamanashnataH .
na chaatisvap{}nashiilasya jaagrato naiva chaarjuna .. 6\.16..

yuk{}taahaaravihaarasya yuk{}tacheshhTasya karmasu .
yuk{}tasvap{}naavabodhasya yogo bhavati duHkhahaa .. 6\.17..

yadaa viniyata.n chittamaatmanyevaavatishhThate .
niHspR^ihaH sarvakaamebhyo yuk{}ta ityuchyate tadaa .. 6\.18..

yathaa diipo nivaatastho neN^gate sopamaa smR^itaa .
yogino yatachittasya yuJN{}jato yogamaatmanaH .. 6\.19..

yatroparamate chittaM niruddhaM yogasevayaa .
yatra chaivaatmanaatmaanaM pashyannaatmani tushhyati .. 6\.20..

sukhamaatyantikaM yattad.h buddhigraahyamatiindriyam.h .
vetti yatra na chaivaayaM sthitashchalati tattvataH .. 6\.21..

yaM labdhvaa chaaparaM laabhaM manyate naadhikaM tataH .
yasminsthito na duHkhena guruNaapi vichaalyate .. 6\.22..

taM vidyaad.h duHkhasa.nyogaviyogaM yogasa.nGYitam.h .
sa nishchayena yok{}tavyo yogo.anirviNNachetasaa .. 6\.23..

saN^kal{}paprabhavaankaamaa.nstyak{}tvaa sarvaanasheshhataH .
manasaivendriyagraamaM viniyamya samantataH .. 6\.24..

shanaiH shanairuparamed.h bud.hdhyaa dhR^itigR^ihiitayaa .
aatmasa.nsthaM manaH kR^itvaa na ki.nchidapi chintayet.h .. 6\.25..

yato yato nishcharati manashcha.nchalamasthiram.h .
tatastato niyamyaitadaatmanyeva vashaM nayet.h .. 6\.26..

prashaantamanasaM hyenaM yoginaM sukhamuttamam.h .
upaiti shaantarajasaM brahmabhuutamakalmashham.h .. 6\.27..

yuJN{}jannevaM sadaatmaanaM yogii vigatakalmashhaH .
sukhena brahmasa.nsparshamatyantaM sukhamashnute .. 6\.28..

sarvabhuutasthamaatmaanaM sarvabhuutaani chaatmani .
iikshate yogayuk{}taatmaa sarvatra samadarshanaH .. 6\.29..

yo maaM pashyati sarvatra sarva.n cha mayi pashyati .
tasyaahaM na praNashyaami sa cha me na praNashyati .. 6\.30..

sarvabhuutasthitaM yo maaM bhajatyekatvamaasthitaH .
sarvathaa vartamaano.api sa yogii mayi vartate .. 6\.31..

aatmaupamyena sarvatra samaM pashyati yo.arjuna .
sukhaM vaa yadi vaa duHkhaM sa yogii paramo mataH .. 6\.32..

arjuna uvaacha .

yo.ayaM yogastvayaa prok{}taH saamyena madhusuudana .
etasyaahaM na pashyaami cha.nchalatvaatsthiti.n sthiraam.h .. 6\.33..

cha.nchalaM hi manaH kR^ishhNa pramaathi balavad.h dR^iDham.h .
tasyaahaM nigrahaM manye vaayoriva sudushhkaram.h .. 6\.34..

shriibhagavaanuvaacha .

asa.nshayaM mahaabaaho mano durnigraha.n chalam.h .
abhyaasena tu kaunteya vairaagyeNa cha gR^ihyate .. 6\.35..

asa.nyataatmanaa yogo dushhpraapa iti me matiH .
vashyaatmanaa tu yatataa shak{}yo.avaap{}tumupaayataH .. 6\.36..

arjuna uvaacha .

ayatiH shraddhayopeto yogaach{}chalitamaanasaH .
apraapya yogasa.nsiddhi.n kaa.n gati.n kR^ishhNa gach{}chhati .. 6\.37..

kach{}chinnobhayavibhrashh{}Tashchhinnaabhramiva nashyati .
apratishhTho mahaabaaho vimuuDho brahmaNaH pathi .. 6\.38..

etanme sa.nshayaM kR^ishhNa chhettumarhasyasheshhataH .
tvadanyaH sa.nshayasyaasya chhettaa na hyupapadyate .. 6\.39..

shriibhagavaanuvaacha .

paartha naiveha naamutra vinaashastasya vidyate .
na hi kalyaaNakR^itkashchid.h durgati.n taata gach{}chhati .. 6\.40..

praapya puNyakR^itaa.n lokaanushhitvaa shaashvatiiH samaaH .
shuchiinaa.n shriimataa.n gehe yogabhrashhTo.abhijaayate .. 6\.41..

athavaa yoginaameva kule bhavati dhiimataam.h .
etaddhi durlabhataraM loke janma yadiidR^isham.h .. 6\.42..

tatra taM buddhisa.nyogaM labhate paurvadehikam.h .
yatate cha tato bhuuyaH sa.nsiddhau kurunandana .. 6\.43..

puurvaabhyaasena tenaiva hriyate hyavasho.api saH .
jiGYaasurapi yogasya shabdabrahmaativartate .. 6\.44..

prayat{}naadyatamaanastu yogii sa.nshuddhakilbishhaH .
anekajanmasa.nsiddhastato yaati paraaM gatim.h .. 6\.45..

tapasvibhyo.adhiko yogii GYaanibhyo.api mato.adhikaH .
karmibhyashchaadhiko yogii tasmaadyogii bhavaarjuna .. 6\.46..

yoginaamapi sarveshhaaM madgatenaantaraatmanaa .
shraddhaavaanbhajate yo maa.n sa me yuk{}tatamo mataH .. 6\.47..
 

AUM tatsaditi shriimad.h bhagavad.hgiitaasuupanishhatsu
brahmavidyaayaa.n yogashaastre shriikR^ishhNaarjunasa.nvaade
aatmasa.nyamayogo naama shhashhTho.adhyaayaH .. 6..